Qarqaralyda dárigerler páter aldy

QARQARALY. QazAqparat – Qarqaralyda medıtsına qyzmetkerlerine arnalǵan úı qoldanysqa berildi. Aýdanda 27 adam páter aldy, onyń 13-i jas mamandar. Bilikti medıtsına kadrlaryn tartý máselesi osylaı sheshilýde, dep habarlaıdy QazAqparat tilshisi.

Uqsas jańalyqtar

Qazaqstanda koronavırýsqa qarsy vaktsına alǵandar sany belgili boldy

Reseılik «Spýtnık V» vaktsınasynyń quny arzandaı ma Depýtat jastarǵa jalǵa beriletin páter qurylysyn qarjylandyrýdy surady Elordanyń sanıtarlyq dárigeri mereke qarsańynda turǵyndarǵa úndeý jarııalady

Qarqaralyda bir kezderi qaraýsyz qalǵan jataqhana qalpyna keltirilip, dárigerler úshin jaıly baspanaǵa aınaldy. Bul qaladaǵy medıtsınalyq personalǵa degen qajettilikti jabýǵa múmkindik berdi. Úıde 1, 2 jáne 3 bólmeli páterler eń qajetti tehnıkamen jáne jıhazben jabdyqtalǵan.

Baqytty qonystanýshylardyń qatarynda dáriger-statıst, oftalmolog, nevropatolog, akýsher, epıdemıolog, gınekolog, terapevt, hırýrg jáne t. b. bar.

«2020 jyly Qaraǵandy medıtsına ýnıversıtetin jalpy tájirıbe dárigeri mamandyǵy boıynsha bitirdim. Aýdandyq ortalyq aýrýhanada jumys isteı

bastadym. Uly Abaı: «Paıda týraly oılamańdar - ar-namys týraly oılańdar», - dep aıtqan. Sondyqtan men adamdardyń senimine ıe bolý jáne patsıentterdiń aýrýlaryn emdeý úshin qoldan kelgenniń bárin jasaımyn. Qajetti tehnıkamen jabdyqtalǵan jaıly páterim bar ekenine qýanyshtymyn», - deıdi jas dáriger Marjan Dáribaıqyzy.

«Men elordada rezıdentýrada oqydym, biraq jyl saıyn Qarqaralyǵa taǵylymdamaǵa keldim. Aýrýhana qyzmetkerleri óte jaqsy. Men kóptegen naýqastardy bilemin. Sondyqtan, maǵan osynda jumys isteýdi usynǵan kezde birden kelistim», - dep bólisti qýanyshyn jalpy tájirıbe dárigeri jáne qonys ıesi Aqtoty Nurpazylova.

Sondaı-aq, Qarqaraly aýdanynyń ákimdiginde óńirdegi densaýlyq saqtaý salasynyń damýy týraly aıtyldy. Máselen, Qaraǵaıly aýdanynda ótken jyly dárigerlik ambýlatorııa salynyp, Terekti aýylyndaǵy ambýlatorııa men Mataq aýylyndaǵy medpýnktke kúrdeli jóndeý jumystary júrgizildi. Bıyl Tomar dárigerlik ambýlatorııasyn, Mamraev feldsherlik pýnktin jáne Eńbek feldsherlik pýnktin salý josparda bar.