Qarqaraly aýdanynda 1 myńnan astam gektar alqap janyp jatyr
2022 jylǵy 24 maýsym 11:51

Qarqaraly aýdanynda 1 myńnan astam gektar alqap janyp jatyr

QARQARALY. QazAqparat –Qaraǵandy oblysynyń Qarqaraly aýdanynda eki jerden tutanǵan dala órtimen kúres jalǵasyp jatyr, dep habarlaıdy QazAqparat QR Tótenshe jaǵdaılar mınıstrliginiń baspasóz qyzmetine silteme jasap.

«Órtti joıý jerústi jáne áýe tásilderimen júrgizilip jatyr.

Oqıǵa ornynda Qaraǵandy oblysy TJ departamentiniń, órtke qarsy erikti quralymdardyń, jergilikti atqarýshy organdardyń, orman sharýashylyǵynyń, Qarqaraly memlekettik ulttyq tabıǵı parkiniń, polıtsııanyń, «Altaı Polımetaly» JShS-nyń kúshteri men quraldary, barlyǵy 233 adam jáne 45 tehnıka jumyldyryldy», - delingen usynylǵan málimette.

Budan bólek, Tótenshe jaǵdaılar mınıstrliginiń 2 tikushaǵy tartylyp, 70 ret sý tógilgen.

«Tótenshe jaǵdaıdy joıý aımaǵynda jedel shtab jumysy uıymdastyryldy. Órt jaıylǵan aýmaq shamamen 1089 ga quraıdy», - dedi mınıstrlikten.

Órtti sóndirý taýly-jartasty jerlerdiń kúrdeliligimen, jaqyn mańda sý qoımalarynyń bolmaýymen, qatty jáne aýyspaly jeldiń turýymen kúrdelenip otyr. Jalynmen kúres úshin sý jetkizý uıymdastyrylǵan.










Uqsas jańalyqtar
Seriktester jańalyqtary

Jańalyqtar

Úrdis

MURAǴAT