Kárim Másimov qansha jylǵa sottalýy múmkin - Bas prokýror jaýaby
2022 jylǵy 14 naýryz 12:29

Kárim Másimov qansha jylǵa sottalýy múmkin - Bas prokýror jaýaby

NUR-SULTAN. QazAqparat – Ulttyq qaýipsizdik komıtetiniń burynǵy tóraǵasy Kárim Másimov 17 jylǵa deıin bas bostandyǵynan aıyrylýy múmkin. Bul týraly búgin Májiliste QR Bas prokýrory Berik Asylov aıtty, dep habarlaıdy QazAqparat tilshisi.

Otyrys barysynda Májilis depýtaty Natalıa Dementeva elimizdiń Bas prokýrorynan «Áleýmettik jelilerde depýtattarǵa halyqtan kóptegen suraq kelip jatyr. Sońǵy kúnderdegi eń ózekti suraqtardyń biri - «Eger Kárim Másimovtiń jáne Ulttyq qaýipsizdik komıtetiniń basqa qyzmetkerleriniń kinási dáleldense, olar qandaı jazaǵa taratylýy múmkin?» Soǵan baılanysty qylmystyq is qaı kezeńge keldi?», - dep surady.

Osy oraıda Bas prokýror Ulttyq qaýipsizdik komıtetiniń burynǵy tóraǵasy men onyń úsh orynbasaryna, eki bólimshe bastyǵyna qatysty birneshe is qozǵalyp, tergelip jatqanyn aıtty.

«Onyń ishinde memlekettik opasyzdyq jasaý, bılikti kúshpen basyp alý úshin bılikti asyra paıdalaný jáne para alý boıynsha qylmystyq ister tergelýde. Burynǵy tóraǵa men onyń orynbasarlary qamaýda. Olardyń is-áreketterine quqyqtyq baǵany sot beredi. Biraq, aldyn ala aıtar bolsaq, atalǵan qylmystar úshin Qylmystyq kodekspen 17 jylǵa deıin bas bostandyǵynan aıyrý qarastyrylǵan. Qazir tergeý áli júrgizilip jatyr», - dedi Berik Asylov.


Seriktester jańalyqtary

Jańalyqtar

Úrdis

MURAǴAT