Kárim Másimov isi «óte qupııa» belgisimen tergelýde
2022 jylǵy 27 qańtar 15:24

Kárim Másimov isi «óte qupııa» belgisimen tergelýde

NUR-SULTAN. QazAqparat – QR Ulttyq qaýipsizdik komıtetiniń burynǵy tóraǵasy Kárim Másimovtiń qylmystyq isi «óte qupııa» belgisimen tergelýde, dep habarlaıdy QazAqparat tilshisi.

«Qylmystyq-protsessýaldyq kodekstiń 201-babyna sáıkes, atalǵan sotqa deıingi tergeýdiń jarııalanýǵa jatpaıtyndyǵyn komıtetten (Ulttyq qaýipsizdik komıteti) rastady», - delingen Almatyapat Telegram-kanalynda jarııalanǵan aqparatta.

Esterińizge sala keteıik, osy jyldyń 6 qańtarynda UQK Qazaqstan Respýblıkasy Qylmystyq kodeksiniń 175-baby 1-bóligimen memleketke satqyndyq faktisi boıynsha sotqa deıingi tergeý bastady. Osy kúni atalǵan qylmysty jasady degen kúdikpen Ulttyq qaýipsizdik komıtetiniń burynǵy tóraǵasy K.Másimov, UQK tóraǵasynyń burynǵy orynbasary – «A» arnaıy maqsattaǵy qyzmetiniń bastyǵy A.Sadyqulov pen UQK tóraǵasynyń burynǵy orynbasary D. Erǵojın ustaldy.

«K.Másimov pen Á.Sadyqulovqa qatysty qamaýda ustaý túrindegi bultartpaý sharasy sanktsııalanǵan. D.Erǵojınge qatysty bultartpaý sharasyn tańdaý máselesi qarastyrylyp jatyr», - delingen QR UQK baspasóz qyzmeti taratqan aqparatta.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT