Karım Benzema Ispanııa sýperkýboginde Messıdiń rekordyn qaıtalady
ASTANA. QazAqparat – Madrıdtik «Real» klýbynyń shabýylshysy Karım Benzema Lıonel Messıdiń rekordyn qaıtalady, dep habarlaıdy QazAqparat tilshisi.
Shampionat.com saıtynan alynǵan derekke qaraǵanda, Benzema Ispanııa sýperkýboginde qatarynan bes matchta gol soqty.
Atalmysh týrnırdiń jartylaı fınalynda «Valensııamen» ótken oıynda K.Benzema 39-mınýtta 11 metrlik aıyp dobyn dál oryndady.
Match 1:1 esebimen teń aıaqtalyp, penaltı serııasynda 4:3 esebimen jeńiske jetken «Real» fınalǵa shyqty.
Osylaısha, frantsııalyq shabýylshy Ispanııa sýperkýboginde qatarynan bes básekede alańnan qur ketken joq. Sóıtip argentınalyq Lıonel Messıdiń rekordyn qaıtalady, ol sýperkýbokte bes matchta segiz gol soqqan edi.
Sýperkýbok fınalynda madrıdtik klýb «Barselona» – «Betıstiń» qaı jeńgenimen bas júlde úshin talasady.
Osy maýsymda Benzema barlyq týrnırde 17 oıynǵa qatysyp, 10 goldyń avtory atanyp, bir nátıjeli pas berdi.
Eske sala keteıik, budan buryn Zıdanǵa sóz aıtqan Frantsııa fýtbol federatsııasynyń prezıdenti qyzmetinen shettetilgenin jazǵan bolatynbyz.
Sondaı-aq Messı bastaǵan úzdik 11 oıynshy álem quramasyna endi.
Foto:championat.com
