+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Qarajat bar, nátıje joq: Vıtse-premer «Eńbek» baǵdarlamasynyń oryndalýyn synǵa aldy

2019 jylǵy 18 qazan 11:01
Bólisińiz:
Qarajat bar, nátıje joq: Vıtse-premer «Eńbek» baǵdarlamasynyń oryndalýyn synǵa aldy

NUR-SULTAN. QazAqparat - Beısenbi kúni Úkimet úıinde QR Premer-Mınıstriniń orynbasary Berdibek Saparbaev «Eńbek» ónimdi jumyspen qamtý jáne jappaı kásipkerlikti damytý memlekettik baǵdarlamasyn osy jyldyń 9 aıynda iske asyrý qorytyndylary boıynsha selektorlyq keńes ótkizdi, dep jazady primeminister.kz.

Uqsas jańalyqtar
Shyǵys Qazaqstanda 800-ge jýyq adam kásibin bastaý úshin memlekettik grant aldy «Eńbek» baǵdarlamasyna ózgerister engiziledi

«Halyqtyń jumyspen qamtylýyn qamtamasyz etý – Elbasy men Memleket basshysynyń Úkimet aldyna qoıǵan mańyzdy mindetterdiń biri. Ol úshin bizge jańa jumys oryndaryn quryp, jumyssyzdardy bıznes negizderine jáne suranysqa ıe mamandyqtarǵa oqytý, mıkro jáne shaǵyn bıznesti damytýdy yntalandyrý qajet», — dedi vıtse-premer.

QR eńbek jáne halyqty áleýmettik qorǵaý mınıstri Birjan Nurymbetovtyń aıtýynsha, ótken kezeńde 496 myń qazaqstandyq baǵdarlama qatysýshysy boldy.

2017 jyldan bastap TjKBB-de kásiptik oqýǵa 52 901 adam jiberildi, onyń ishinde bıyl — 21 854 adam. Sonymen birge, bilim alýshylardy jumysqa ornalastyrý máselesi ózekti bolyp qala bermek: 4 246 túlektiń tek 3 250-i nemese 76,5%-y jumysqa ornalasqan. Jumyspen qamtýdyń tómen deńgeıi Almaty jáne Jambyl oblystarynda baıqalady.

Kadrlardyń qysqa merzimdi daıyndaýmen 41 180 adam nemese jyldyq jospardyń 69% qamtylǵan. Aýtsaıderler qatarynda Mańǵystaý (39,5%), Soltústik Qazaqstan (50,4%), Túrkistan oblystary (51,1%), Nur-Sultan (51,8%) jáne Shymkent (55,4%) qalalary bar.

«Qysqa merzimdi oqýdan ótken 20 myń azamattyń tek 11 myńy ǵana jumysqa ornalasqan», — dedi B. Nurymbetov.

Sonymen qatar, mınıstr jalpy qatysýshylar sanynyń qatarynda qaıta oqytylǵandardyń joǵary úlesine nazar aýdardy. Máselen, 2017-2018 jyldary 109 myń adam oqýǵa jiberildi, onyń ishinde 1,8 myń adam eki nemese odan da kóp ret kýrstardan ótti.

«Soltústik Qazaqstan oblysynyń turǵyny eki jylda tórt ret, al Atyraý oblysynyń turǵyny bir jylda úsh ret oqytyldy. Taǵy bir suraq – biz kimdi oqytamyz jáne olar qalaı jumysqa ornalasady? Orta eseppen respýblıka boıynsha oqýdy aıaqtaǵandardyń 57%-y óz mamandyqtary boıynsha jumys isteıdi. Sondyqtan, mamandyqtarǵa degen suranysty eskere otyryp, oqytýdy túzetý qajet», — dep tolyqtyrdy Eńbek mınıstrliginiń basshysy.

«Bastaý bıznes» jobasynyń aıasynda 45 myńnan astam azamat kásipkerlik negizderin úırendi. 27 myńnan astam oqytylǵandar ózderiniń bıznes jobalaryn qorǵady, biraq tek 8 myńy ǵana granttar men shaǵyn nesıeler aldy. Eń tómengi kórsetkishter Almaty (2,3%), Shymkent (11,3%) qalalarynda jáne Túrkistan oblysynda (7,1%).

Óz isin ashýǵa arnalǵan memlekettik granttardyń ıegerleri 11,2 myń adam boldy, onyń ishinde jastar – 6,8 myń adam, az qamtamasyz etilgender – 1,5 myń adam, kóp balaly otbasylar – 205 adam. Eń az granttar Nur-Sultan qalasynda berildi — jyldyq jospardyń 2,2% nemese 49. Osyǵan uqsas jaǵdaı Almaty men Shymkent qalalarynda baıqalady.

Bıyl 10,2 myń adamǵa jeńildetilgen mıkrokredıtter berildi, olardyń 80%-y mal sharýashylyǵyn damytýǵa baǵyttalǵan. Qosymsha 9 myń jumys orny quryldy. Mıkrokredıt berýdiń teris dınamıkasy Shymkent qalasynda, Atyraý jáne Qostanaı oblystarynda baıqalady.

|Bıyl barlyǵy 334,7 myń adam jumysqa ornalastyryldy, onyń ishinde 240 myń adam turaqty jumys oryndaryna ornalasqan.

Sondaı-aq, bul másele boıynsha ulttyq ekonomıka, aýyl sharýashylyǵy, energetıka, ındýstrııa jáne ınfraqurylymdyq damý vıtse-mınıstrleri, sondaı-aq Mańǵystaý, Túrkistan, Soltústik Qazaqstan, Aqtóbe, Shyǵys Qazaqstan, Qyzylorda, Almaty oblystary, Almaty jáne Shymkent qalalaryn ákimderiniń orynbasarlary baıandama jasady.

Esepterdi tyńdaǵannan keıin Premer-Mınıstrdiń orynbasary bólingen bıýdjet qarajatynyń nashar ıgerilgenin atap ótip, baǵdarlamany sapasyz oryndaǵany úshin óńirlerdi synǵa aldy.

«Jetekshilik etetin ákim orynbasarlary tarapynan baqylaý joq. Osy jumysqa formaldy túrde qarańyzdar. Buǵan deıin aqsha joq degen shaǵymdar boldy. Al qazir aqsha bar, biraq nátıje joq. Eńbek mınıstrligine bul jumysty kúndelikti baqylaýǵa alyp, ony júzege asyrýdyń tıimdiligine taldaý jasaý qajet. Jyl sońyna deıin az ǵana ýaqyt qaldy, sondyqtan el basshylyǵynyń tapsyrmalaryn sapaly oryndaý úshin bul jumysty jandandyrý qajet», - dep túıindedi B. Saparbaev.

Sonymen qatar, keńes barysynda 2019-2020 oqý jylyndaǵy orta bilim berýdiń negizgi baǵyttary qaraldy. Atap aıtqanda, oqýshylardy ystyq tamaqpen qamtamasyz etý, tsıfrlandyrý, MJÁ jobalaryn iske asyrý, tárbıe jumystaryn júrgizý, quqyq buzýshylyqtar men sýıtsıdtiń aldyn-alý, balalardyń qosymsha bilim alýǵa tartylýyn arttyrý máseleleri talqylandy.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT