Qarashókeev óndiris kólemi 100 paıyzǵa jetkiziletin azyq-túlik túrlerin atady
2022 jylǵy 18 qańtar 10:56

Qarashókeev óndiris kólemi 100 paıyzǵa jetkiziletin azyq-túlik túrlerin atady

NUR-SULTAN. QazAqparat –QR Aýyl sharýashylyǵy mınıstri Erbol Qarashókeev 2025 jylǵa qaraı óndiris kólemi 100 paıyzǵa jetkiziletin azyq-túlik túrlerin atady, dep habarlaıdy QazAqparat tilshisi.

«Importty almastyrý jónindegi is-sharalarǵa keletin bolsaq, ishki naryqtaǵy azyq-túlik taýarlarynyń negizgi túrleri boıynsha otandyq óndiris esebinen qamtamasyz etilý 80 jáne odan da kóp paıyzdy quraıdy», - dedi mınıstr búgin Úkimet otyrysynda.

Onyń atap ótýinshe, azyq-túlikpen qamtamasyz etý deńgeıin saqtaýdyń jáne arttyrýdyń mańyzdylyǵyn eskere otyryp, Qazaqstan Respýblıkasynyń agroónerkásip keshenin damytý jónindegi 2021-2025 jyldarǵa arnalǵan ulttyq joba aıasynda azyq-túlik taýarlary óndirisiniń kólemin keminde 80 paıyzǵa, qus etin – 100, shujyq ónimderin – 100, irimshik jáne súzbeni – 100, almany – 100, balyqty – 100 jáne qantty 80 paıyzǵa arttyrý úshin ınvestıtsııalyq jobalardy iske asyrý bastaldy.

«Memleket basshysynyń barlyq tapsyrmalary boıynsha Aýyl sharýashylyǵy mınıstrligi olardyń ýaqytyly jáne sapaly oryndalýy úshin qajetti is-sharalardy qabyldaıdy», - dedi Erbol Qarashókeev.


Jańalyqtar

MURAǴAT