Qarashada azyq-túlik baǵasy 0,9 paıyzǵa qymbattady
2021 jylǵy 5 jeltoqsan 13:56

Qarashada azyq-túlik baǵasy 0,9 paıyzǵa qymbattady

NUR-SULTAN. QazAqparat – Qarashada azyq-túlik baǵasy 0,9 paıyzǵa qymbattady. Bul jaıynda Ulttyq statıstıka bıýrosy málim etti, dep habarlaıdy QazAqparat tilshisi.

«Bir aıda (2021 jylǵy qarasha 2021 jylǵy qazanǵa) baǵa azyq-túlik taýarlaryna – 0,9, azyq-túlik emes taýarlaryna – 1, aqyly qyzmetterge 0,3 paıyzǵa joǵarylady. Baǵanyń ósýi jańa jınalǵan kókónisterge – 8,3, jumyrtqaǵa – 2,1, unǵa – 1,5, shoshqa etine – 1,1, pasterlengen sútke, jarmalarǵa, makaron ónimderine – 1, toqash jáne un ónimderine – 0,9, nanǵa, qumshekerge, shujyq ónimderine, jylqy etine – 0,8, qus etine 0,7 paıyz baıqaldy. Temeki ónimderi – 1, alkogoldi sýsyndar 0,5 paıyz qymbattady. Baǵanyń tómendeýi kartopqa – 1,4, jańa jınalǵan jemisterge 0,6 paıyz tirkeldi», - dep atap ótedi bıýrodan.

Vedomstvo málimetinshe, baǵa dızel otynyna – 14,6, ballondaǵy suıytylǵan gazǵa – 13,6, tas kómirge – 3,7, benzınge 2,4 paıyz ósti. Baǵa ósimi toqyma buıymdaryna – 0,9, farmatsevtıkalyq ónimderge 0,7 paıyzdy qurady.

Turǵyn úıdi jalǵa berý úshin tólem 1,4 paıyz ósti. Baǵa deńgeıi mádenı is-sharalar salasyndaǵy qyzmetterge – 0,7, densaýlyq saqtaý qyzmetterine 0,4 paıyz joǵarylady.

Turǵyn úı-kommýnaldyq qyzmetter salasynda tarıfter ystyq sýǵa – 3,5, qoqys shyǵarýǵa – 1,3, elektr energııasyna 0,5 paıyz ósip, al ortalyqtan jylytýǵa 1,3 paıyz tómendedi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT