+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Qarapaıym zattar ekonomıkasy: Atyraý oblysynda 33 mlrd teńgeniń jobalary iske asyrylýda

2020 jylǵy 31 qazan 04:28
Bólisińiz:
Qarapaıym zattar ekonomıkasy: Atyraý oblysynda 33 mlrd teńgeniń jobalary iske asyrylýda

ATYRAÝ. QazAqparat –Atyraý oblysynda «Qarapaıym zattar ekonomıkasy» baǵdarlamasymen toǵyz salada 33 mlrd teńgege baǵalanǵan 103 joba iske asyrylyp jatyr, dep habarlaıdy QazAqparat.

Oblystyq kásipkerlik jáne ındýstrıaldy-ınnovatsııalyq damý basqarmasynyń basshysy Ábdýahıt Ábishevtiń málimetinshe, bıyl blok-konteınerler men modýldik ǵımarattar materıalyn óndiretin bir joba iske qosylǵan. Kásipkerlikti qoldaý kartasy aıasynda jalpy quny 15,8 mlrd teńgege 8 ınnovatsııalyq joba iske qosylyp, 600-den astam jumys orny ashylady. Sonyń ishinde metall buıymdaryn shyǵaratyn tseh, polıpropılen qaptaryn shyǵaratyn óndiristi keńeıtý, qus etin óndiretin jáne broıler balapanyn bordaqylaıtyn qus fabrıkasy, medıtsınalyq maska, ınfýzııalyq eritindilerdi quıýǵa arnalǵan qurylǵy shyǵaratyn jáne as tuzyn óndiretin zaýyt sııaqty jobalar iske qosylady. Al 2021 jyly úı qurylysy kombınaty men toqyma emes materıaldar shyǵaratyn zaýytty (spanbond, meltblaýn) iske qosý josparlanǵan.

«Qarapaıym zattar ekonomıkasy» baǵdarlamasy aıasynda toǵyz salada 33 mlrd teńgege baǵalanǵan 103 joba iske asyrylýda. Onyń ishinde qurylys materıaldaryn óndiretin 11 joba, jeńil ónerkásipte – 16, tamaq ónerkásibinde – 15, agrarlyq salada – 38, qyzmet kórsetýde – 7, hımııa ónerkásibinde – 6, jıhaz óndirýde – 5 jáne mashına jasaý men farmatsevtıkada bir jobadan bar», - deıdi Ábdýahıt Ábishev.

Sondaı-aq, ekinshi deńgeıdegi bankter men Agrarlyq-kredıttik korporatsııa 8,4 mlrd teńgege 40 jobany qarjylandyrýdy maquldaǵan. Sol jobalardyń ishinde bahıla shyǵarý, betonnan jasalǵan qurylys materıaldaryn óndirý, 9 balabaqsha men bir mekteptiń qurylysy, jıhaz óndirisi bar. Al 31 joba agrarlyq salanyń mal sharýashylyǵy baǵytynda iske asyrylmaq. Buǵan qosa, bankter men qarjy ınstıtýttary 6,1 mlrd teńgeni quraıtyn 6 jobanyń tıimdiligin zerttep jatyr.


Bizdiń kanalymyzǵa jazylyńyz:

Bólisińiz:

Avtor:

Bek Mustafa

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT