+7 (701) 759 90 19
USD 397.56 EUR 445.94
RUB 5.82 CNY 55.96
Jańalyqtar

Karantın: Jambyl oblysynda jedel áreket etý ortalyǵy qurylady

2020 jylǵy 8 sáýir 08:14
Bólisińiz:
Karantın: Jambyl oblysynda jedel áreket etý ortalyǵy qurylady

TARAZ. QazAqparat – Jambyl oblysynda tótenshe jaǵdaı kezindegi jumystardy utymdy uıymdastyrý maqsatynda oblystyq shtab janynan jedel áreket etý ortalyǵy qurylady, - dep habarlaıdy QazAqparat Jambyl oblysy ákimdiginiń resmı saıtyna silteme jasap.

Ol týraly oblystyq jedel shtabtyń kezekti otyrysynda aıtyldy. Basqosý barysynda Taraz qalasynyń ákimi Aıtqazy Qarabalaev karantındik rejım jaǵdaıynda qabyldanyp jatqan sharalar týraly habarlady. Sondaı-aq, aýmaqtardaǵy jaǵdaı týraly Qordaı, Merki jáne Moıynqum aýdandarynyń ákimderi Rústem Dáýlet, Meıirhan Ómirbekov, Máden Musaev baıandady.

- Jaǵdaı kúrdelene túsýde. Bul bizden barynsha kúsh-jigerdi, jedel sheshimder men naqty is-áreketterdi talap etedi. Ókinishke qaraı, bizdiń turǵyndardyń kópshiligi tónip turǵan qaýipti sezinbeı otyr. Buǵan Taraz qalasyndaǵy kórinister dálel bola alady. Keshegi kúnnen bastap oblys ortalyǵynda karantın jarııalanyp, adamdarǵa ózderin oqshaýlaý boıynsha shekteý engizilgen. Alaıda qala kóshelerinde avtokólikpen júrgenderdiń qarasy azaıar emes. Mundaı karantınnen qandaı nátıje kútýge bolady? – dep atap ótti oblys ákimi Berdibek Saparbaev.

Sondaı-aq, aımaq basshysy blokposttarda tııanaqtylyq joqtyǵyn, olardyń keıbireýi áli kúnge deıin tıisti túrde jabdyqtalmaǵanyna nazar aýdartty. Tarazda karantın jarııalanǵannan keıin qalanyń kireberisinde avtokólik keptelisi baıqalǵan. Bul máseleni dereý sheshý kerektigi aıtyldy. Bul bankterdegi tolassyz kezekterge de qatysty. Ásirese turǵyndarmen tyǵyz jumys jasaıtyn Halyq banki bólimsherinde atalǵan túıtkil kórinis tabýda. Turǵyndardy tamaq ónimderimen qamtamasyz etý jáne birinshi kezektegi qajetti taýarlardyń baǵasyn baqylaýǵa baılanysty máseleler ózekti bolyp qalýda.

Jıynda oblystyq shtab janynan jedel áreket etý ortalyǵy qurylatyny aıtyldy. Ol shtabtyń jumysshy organy bolady. Ol jeti baǵyt boıynsha jumys isteıdi:

- Taraz qalasy men aýdandardyń blok-beketteriniń, shtabtarynyń jumysyn úılestirý;

- medıtsınalyq, sanıtarlyq-epıdemıologııalyq qaýipsizdik;

- azyq-túlik qaýipsizdigi;

- jeke tulǵalardyń, kólik pen taýarlardyń qozǵalysyn baqylaý;

- áleýmettik qorǵaý, eńbek qatynastary;

- oblystyń tynys-tirshiligin qamtamasyz etý;

- halyqty aqparattandyrý.

Ortalyqta óńirdegi ahýal týraly barlyq aqparat jınaqtalyp, saralanyp, eń ózekti máseleler boıynsha aldyn ala sheshimder ázirlenip otyrmaq. Ortalyqqa tóraǵalyq etý oblys ákiminiń birinshi orynbasary Bekbolat Orynbekovke júkteldi.

Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT