+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Karantın: Velosıpedti paıdalanatyn astanalyqtar sany ósken

2020 jylǵy 11 tamyz 21:15
Bólisińiz:
Karantın: Velosıpedti paıdalanatyn astanalyqtar sany ósken

NUR-SULTAN. QazAqparat – El azamattarynyń qaýipsizdigin saqtaý maqsatynda engizilgen karantın rejıminiń basqa qyrynan da paıdasy bar bolyp shyqty. Atap aıtqanda, elordada qoǵamdyq kólikterdiń toqtatylýyna baılanysty astanalyqtar jıi serýendeıtin bolǵan jáne velosıpedpen júrýge kóshken. Bul týraly CTS (City Transportation Systems) ShJS-niń qoǵammen baılanys qyzmetiniń jetekshisi Oksana Loskýtova málim etti, dep habarlaıdy QazAqparat tilshisi.

«Bıyldan bastap qaladaǵy qoǵamdyq velosıped qyzmeti bizdiń kompanııanyń qaramaǵyna kóshti. Endigi maqsatymyz - qala turǵyndary men qonaqtaryna yńǵaıly kólik túriniń qoljetimdiligin arttyrý. 13 mamyrda qala boıynsha 50 stansa jáne onda 200 velosıped boldy. Búgingi kúni elordada 155 stansada 833 velosıped bar. Aldaǵy ýaqytta taǵy 17 velosıpedpen tolyǵatyn bolady»- dedi Oksana Loskýtova.

Onyń aıtýynsha, bıyl elorda turǵyndary men qonaqtary arasynda velosıpedke degen suranys aıtarlyqtaı artqan.

«Elordada alǵash velosherıng qyzmeti 2014 jyly qolǵa alyndy, bıyl jetinshi maýsym. Árıne paıdalanýshylar jyldan jylǵa kóbeıip keledi. Ony kúndelikti tirkelýshiler sanynan baıqaýǵa bolady. Karantınniń alǵashqy sátinde velosıpedti kúndelikti 100-ge jýyq adam tirkelip qoldansa, qazir paıdalanýshylar sany 13 myńǵa jýyqtady. Bul degenimiz kúnine 3 myńnan asa adam paıdalanady degen sóz. Jalpy bıyl astanalyqtar arasynda velosıpedke degen suranys joǵary. Onyń ústine, qoǵamdyq kólik toqtap turǵan kezde kóp adam eki dóńgelekti kólik quralyna kóshti. Osy oraıda aıta ketsek, tutynýshylar velosıped stansasy men velosıpedke qatysty málimettermen velobike.kz saıtynan tanysa alady. Aldaǵy ýaqytta mobıldik qosymsha qyzmetin qosý máselesin de qarastyryp jatyrmyz», - dedi ol.

Sondaı-aq, CTS ókili qoǵamdyq velosıpedti paıdalanýdyń erejelerimen tanystyryp ótti.

«Velosıpedti qoldanýdyń talaptaryn barlyq tutynýshylar birdeı oryndaı bermeıdi. ıAǵnı jol júrý erejesin saqtamaıdy nemese bilmeıdi. Osy oraıda biz óz áleýmettik jelilerdegi paraqshamyz arqyly túsindirý jumystaryn júrgizemiz jáne tutynýshylardy ortaq múlikti uqypty ustaýǵa shaqyramyz. Odan bólek, mamandarymyz velosıped stansalaryn aralap, buzylǵan velosıpedterdi jóndep otyrady. Bul turǵyda beınebaqylaý kamerasyn ornatý meselesi qaralýda. Sol sııaqty biz usynatyn veloqyzmetti 16 jastan bastap paıdalanýǵa bolatynyn da eskertkim keledi. Taǵy bir másele, kóp azamattarymyz joldan ótken kezde velosıpedten túspeıdi, al jol erejesine saı velosıpedten túsip, jaıaý júrip ótýi kerek», - deıdi maman.

Odan bólek, atalǵan uıymnyń qoǵammen baılanys qyzmetiniń jetekshisi velosıped tutynýshylaryn qandaı másele jıi mazalaıtynyn aıtty.

«Bizge velosıped stansalaryna qatysty kóptegen suraqtar kelip túsedi. Olardyń barlyǵyn qarastyryp, sonyń nátıjesinde qaladaǵy keıbir stansalardy aýystyrý kerektigi anyqtaldy. Jıi kelip túsetin suraqtardyń biri turǵyndar velosıpedti turaqqa qoıa almaı kóp bógeletindikterin aıtady. Iá, júıe óte sezimtal, paıdalanýshy velosıpedti durys qoımasa, jaldaý merzimi aıaqtalmaıdy, tıisinshe qoldanýshy bereshek bolyp qalady. Ondaı tehnıkalyq aqaý oryn alǵan jaǵdaıda bizdiń mamandarǵa habarlasyp, máseleni kedergisiz sheshýge bolady», - dedi O. Loskýtova.


Bizdiń kanalymyzǵa jazylyńyz:

Bólisińiz:

Avtor:

Álı Ibraev

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT