+7 (701) 759 90 19
USD 414.13 EUR 451.40
RUB 5.80 CNY 58.03
Jańalyqtar

Karantın sharalary koronavırýstyń taralýyn 52-den 12 paıyzǵa azaıtty – Eljan Birtanov

2020 jylǵy 5 sáýir 13:06
Bólisińiz:
Karantın sharalary koronavırýstyń taralýyn 52-den 12 paıyzǵa azaıtty – Eljan Birtanov

NUR-SULTAN. QazAqparat – QR Densaýlyq saqtaý mınıstri Eljan Birtanov tótenshe jaǵdaı boıynsha memlekettik komıssııanyń sońǵy sheshimderine baılanysty aqparat berdi, dep habarlaıdy QazAqparat tilshisi.

«Bizdiń elimizde qabyldanǵan qatań karantındik sharalar 28 naýryz ben keshegi táýlikti eseptegende koronavırýs ınfektsııasynyń taralý qarqynyn 52-den 12 paıyzǵa deıin tómendetýge múmkindik berdi. Bul ózgeris bizge sanıtarlyq jáne medıtsınalyq qyzmetterdiń jumys aýyrtpalyǵyn azaıtyp, naýqastar men baılanysqan adamdarǵa tıimdi kómek kórsetýge múmkindik beredi», - dep jazdy Eljan Birtanov Facebook paraqshasynda.

Áıtse de mınıstr atap ótkendeı Qazaqstanda koronavırýs juqtyrǵandardyń sany artyp barady. Basqa elderdiń tájirıbesi Qazaqstanda aýrýdyń negizgi kezeńi sáýir-mamyrda ótse, vırýstyń sharyqtaý shyńy - sáýirdiń birinshi jartysyna tuspa-tus keletinin boljaýǵa múmkindik beredi.

«Osy kezeńde biz shamamen 3500 jaǵdaı tirkeletinin (qazir 551) boljaımyz. Odan ary, ıaǵnı jaz aılarynda epıdemıologtar epıdemııa tolyǵymen toqtamasa da baıaýlaıtynyn kútedi. Keıbir sarapshy bıylǵy kúzde indettiń qaıtalanatyn joqqa shyǵarmaıdy», - deıdi ol.

Mınıstr bergen málimetke sáıkes, elimizge búgingi tańda koronavırýs ınfektsııasynan naýqastardy emdeý maqsatynda 3920 ınfektsııalyq, sonymen qatar 7300 provızorlyq tósek oryn daıyndalǵanyn aıtady. Budan bólek 180 aýyr naýqasty qabyldaýǵa qabiletti jansaqtaý bólimshesi ázir ekenin, onda 170 jasandy tynys alý apparaty, qan oksıgenatsııasynyń ekstrakorporaldy membrananaly 38 apparaty baryn jetkizdi.

«Alaıda patsıentter juqpaly aýrýlar aýrýhanasynda ortasha eseppen 3-4 apta ótkizetinin, eldi mekenderdiń tirshiligin qamtamasyz etýmen aınalysatyn kásiporyndar men qyzmetterdiń komandalarynda - medıtsına qyzmetkerleri, polıtsııa, Qarýly Kúshterde ınfektsııanyń paıda bolý qaýpin eskergende Qazaqstanda ázirge kóbirek tósek oryn men arnaıy aýrýhana kerektigi baıqalady. Sonymen qatar ol aýrýhanalar ınfektsııalyq qaýipsizdiktiń barlyq talabyna saı bolýy kerek. Onda bokstalǵan palatalar, ventılıatsııanyń erekshe júıesi, jansaqtaý bólimindegi oryndar bolýy tıis. Mundaı tez turǵyzylatyn emhanalardyń Qytaıda qalaı paıdaǵa jaraǵanyn kórdik. AQSh pen Italııa, ózge de eýropalyq elderdegi qarapaıym emhanalarǵa qandaı júkteme túsip otyrǵanynan da habardarmyz. Kóptegen el naýqastar men medıtsınalyq personaldar úshin ınfektsııalyq qaýipsizdik tehnologııalary saqtalmaǵan nysandar men sporttyq qurylymdardy paıdalanýǵa májbúr», - deıdi mınıstr.

Eljan Birtanov osy máseleni eskere kele Densaýlyq saqtaý mınıstrligi Qazaqstannyń iri úsh qalasy – Nur-Sultan, Almaty men Shymkent qalasynda jedel turǵyzylatyn úsh ınfektsııalyq aýrýhananyń (200-300 oryndyq) kerektigi týraly usynys engizgenin málim etti. Bul jobalardy júzege asyrýǵa jergilikti atqarýshy organdar jaýapty.

«Bizdiń qurylys kompanııalary bul máselede úlken qoldaý kórsetip jatyr. Qurylysty 15-20 kúnniń ishinde aıaqtaý josparlanǵan. Jyldam tehnologııalar, daıyn blok-modýldik sheshimder, zamanǵa saı ınfektsııalyq qaýipsizdik júıeleri qoldanylady. Qajetti medıtsınalyq jáne zerthanalyq jabdyqtar ornatylady. Mundaı sharalar elimizdiń koronavırýs pandemııasynyń saldaryn ǵana emes, bolashaqta múmkin bolatyn indetterdi joıýǵa múmkindik beredi», - deıdi Eljan Birtanov.

Mınıstr atap ótkendeı álem mundaı jahandyq deńgeıdegi qaýipti tegeýringe daıyn bolmaı qalǵan. Álem elderiniń densaýlyq saqtaý júıeleri dıabet, gıpertonııa, onkologııa sekildi sozylmaly aýrýlardy emdeýge basymdyq bergen. Sol úshin adamzattyń aldynda qoǵamdyq densaýlyq saqtaý júıesin qaıta qarap, mundaı indetke daıyn bolý mindeti tur.

«Osy jazbanyń izinshe koronavırýs pandemııasyna qarsy kúreste qoldaý men túsinistik bildirgen halyqqa alǵysymdy aıtqym keledi. Tek resmı aqparat kózderine senip, osy salanyń mamandaryna ǵana qulaq túrgen abzal. Osy tótenshe ári shuǵyl sharalardyń bári de bizdiń halyqtyń densaýlyǵy úshin jasalyp jatyr. Biz birgemiz», - dep túıdi Eljan Birtanov.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT