+7 (701) 759 90 19
USD 430.51 EUR 505.72
RUB 5.51 CNY 64.14
Jańalyqtar

Karantın saldarynan SQO-da 1 myńǵa jýyq kásipker jumysyn toqtatty

2020 jylǵy 23 qyrkúıek 15:23
Bólisińiz:
Karantın saldarynan SQO-da 1 myńǵa jýyq kásipker jumysyn toqtatty

PETROPAVL. QazAqparat – Soltústik Qazaqstan oblysynda karantındi engizý saldarynan 1 myńǵa jýyq kásipker isin toqtatyp, 4 myńǵa jýyq adam jumyssyz qaldy, dep habarlaıdy QazAqparat tilshisi.

Uqsas jańalyqtar

Oblystyń bıznes-qaýymdastyqtarynyń máseleleri «Atameken» Ulttyq kásipkerler palatasynyń Tóralqa tóraǵasy Tımýr Qulybaevpen bolǵan onlaın-keńeste qaraldy.

Aımaqtaǵy jaǵdaımen óńirlik keńestiń tóraǵasy Oleg Ivanov tanystyrdy. Onyń aıtýynsha, SQO-da 30 myńǵa jýyq shaǵyn jáne orta bıznes sýbektisi bar. Onyń 65% jeke kásipkerler bolsa, 15% sharýa qojalyqtary.

«Karantın engizilgenge deıin óńirde 104 myń adamdy qamtyǵan 30 myńnan artyq bıznes sýbektisi boldy. Karantındik shekteýler alynysymen olardyń 29 myńnan astamy ǵana jumysyn jalǵastyrdy. Saldarynan 4 myń adam jumyssyz qalyp, óndiris kólemi 15% qysqardy. Jumyssyz qalǵandardyń 2 myńy saýda salasynda eńbek etken. Mádenıet, kóńil kóterý jáne demalys, qyzmet kórsetý salalary da bar», - deıdi Oleg Ivanov.

Jergilikti kásipkerler kótergen taǵy bir másele – Qazaqstan-Reseı shekarasynan júk ótkizý. Kórshi memlekettiń birqatar shekara beketi júk kóligin skanerleıtin qurylǵylarmen jabdyqtalmaǵan. Ásirese Soltústik Qazaqstan men Qorǵan oblystary arasyndaǵy shekara beketinde bul asa ózekti.

«Skanerlerdiń joqtyǵynan júk tasymaldaýshylar artylǵan júkti qaıta shyǵaryp, tekserip bolǵannan keıin qaıta artyp otyrýǵa májbúr. Beketterde ol úshin arnaıy brıgadalar bar. Alaıda olardyń qyzmeti 50 myń teńgeden bastalady. Júk tasymaldaýshylar skanerleri bar beketterden ótýge tyrysady. Biraq ol úshin qosymsha 700 shaqyrym joldy júrýi kerek. Bul shyǵyndar, taýardyń baǵasyna áser etedi. Tek qana bir shekara beketinen bir táýlikte ǵana 380 júk mashınasy ótedi. Skanerdiń joqtyǵynan kásipkerler bir táýlikte orta eseppen 19 mln teńgege shyǵynǵa batady», - deıdi aımaqtyq keńestiń tóraǵasy.

T.Qulybaev onlaın-keńeste aıtylǵan ózekti máselelerdi Úkimette kóteretinin aıtty.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT