+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Karantın qushaǵyndaǵy elorda: Qalada tártip qalaı saqtalýda

2020 jylǵy 1 sáýir 15:56
Bólisińiz:
Karantın qushaǵyndaǵy elorda: Qalada tártip qalaı saqtalýda

NUR-SULTAN. QazAqparat - Elordada koronavırýs indetiniń taralýyna baılanysty karantın engizilgenine de birneshe kún boldy. Degenmen, qala óz tirshiligimen ómir súrýde. Turǵyndardyń dúkenge baryp azyq-túlik, dárihanadan kerekti dári-dármek alýyna, jumysyna barýyna eshkim tyıym salmaǵan. Biraq, kóshede beısaýat júrýge tyıym bar ekendigi belgili. Osyǵan oraı QazAqparat tilshileri qala kóshelerindegi tártipti qadaǵalaýǵa jumyldyrylǵan polıtsııa qyzmetkerleriniń jumysymen tanysyp qaıtqan bolatyn.

Nur-Sultan qalasy Almaty aýdandyq polıtsııa basqarmasyna jetkenimizde polıtsııa qyzmetkerleri, Ulttyq ulan, Qorǵanys mınıstrligine qarasty áskerı bólimderiniń jaýyngerleri keshki sholǵyndaý jumysyna shyǵý úshin sap túzep jatty. Biraz ýaqyttan keıin basshylyqtan naqty nusqaýlyq alǵan olar qalanyń kóshelerindegi qoǵamdyq qaýpsizdikti qamtamasyz etý úshin ózderine bekitilgen naqty baǵdar boıynsha qzymetterin atqarý úshin jan-jaqqa tarap ketti.

Jalpy, polıtsııa qyzmetkerleriniń aıtýynsha, olardyń qyzmeti tań qylań bere bastalyp, tún ortasyna deıin jalǵasady. Eki aýysymmen jumys isteıtin olar qoǵamdyq tártipti baqylap, karantın rejıminiń saqtalýyn jiti nazarda ustaıdy.

«Polıtsııa qyzmetkerleri kún saıyn birinshi aýysymda tańerteńgi 8-den 16-00-ge deıin, ekinshi aýysymda saǵat 16-00-den 23-00-ge deıin Ulttyq ulan men Qorǵanys mınıstrliginiń jaýyngerlerimen qala kóshelerin sholǵyndaýǵa shyǵady. Olarǵa bizdiń aýdan boıynsha bekitilgen baǵdar bar. Biz halyqqa koronavırýs indetinińtaralýyna jol bermeý úshin sharalar qabyldaý qajettigin eskertip, turǵynarǵa asa qajettilik bolmasa úıde otyrý kerektigin túsindiremiz. Sonymen qatar shaǵyn jáne orta bıznes sýbektlerin karantın kezinde jumys istemeýin qadalaǵaımyz», - dedi Almaty aýdandyq polıtsııa basqarmasy jergilik polıtsııa qyzmetiniń bastyǵy polıtsııa polkovnıgi Qanat Nysantaev.

Onyń atap ótýinshe, qazirgi ýaqytta jumys shtattyq rejimde júrgizilip jatyr. Ázirshe polıtsııa qyzmetkerleri qala kóshelerinde kezdesken beısaýat júrginshilerge karantın kezindegi talaptardy qatań saqtaýdy eskertýde. Kóshede júrgen adamdardy polıtsııa qyzmetkerleri arnaıy elektrondy bazaǵa engizip qoıady. Baza turǵan adamdar karantın talabyn ekinshi ret buzsa aıyppul tóleýine týra keledi. aıyppul kólemi de qomaqty. Shamamen 27 myń teńge.

«Eger olar bizdiń eskertýimizdi qaperge ilmeıtin bolsa, onda qoldanystaǵy zańnamaǵa sáıkes, ákimshilik jaýapkershilik tartýǵa májbúr bolamyz. Jalpy, halyqtyń basym bóligi túsinistikpen qaraıdy. Barlyǵy da áleýmettik jeliden oqyp-bilgen, jaǵdaıdyń kúrdeli ekendiginen de habardar. Keshe birneshe aýlany aralap shyǵyp, arnaıy alańdarda oınap júrgen balalardy kezdestirdik jáne ata-analaryna eskerttik. Nátıje de bar. Qazir aýlalardyń 99 paıynan bala kórmeısiz. Ýchaskelik ıspektorlarymyz turǵyndardyń messendjerlerdegi chatyna tirkelgen jáne olarǵa qajetti aqparatty jetkizip turady», - dedi Qanat Nysantaev.

Shynymen de búginde qala kóshelerinde kóliktiń de, júrginshilerdiń legi birneshe ese tómendegen. Polıtsııa qyzmetkerleriniń jumysyn baqylaý maqsatynda kóshege shyqqanyzda kezdesken adamdar ne jumystan, ne aýrýhanadan kele jatqandyǵyn dáleldeıtin anyqtamalaryn kórsetip jatty.

Aıtalyq, sholǵyndaý jumysyna kirisken polıtsııa qyzmetkerlerine eń birinshi kezdesip qalǵae Zemfıra esimdi qala turǵyny jumystan kele jatqandyǵyn aıtyp, ony dáleldeıtin arnaıy qujatyn da kórsetti.

«Últtyq klınıkadaǵy jumysymnan kele jatyrmyn. Jumysym saǵat 17-00-ge deıin. Qazir ǵana polıtsııa qyzmetkerleri toqtatyp, anyqtamamdy kórsetkennen keıin jiberdi»,- dedi ol bizge.

Polıtsııa qyzmetkerleriniń nazaryna ilikken kelesi medıtsınalyq maskasyz turǵyn «Vstrecha» dúkeni mańynda kezdesti. Ol ózine qaraı bettep kele jatqan polıtsııa qyzmetkerlerin baıqaı salysymen bet-aýyzyn moıyndaǵy moıynoraǵyshymen qymtaýǵa tyrysty. Quqyq qorǵaýshylar oǵan eskertý jazyp, jeke málimetterin elektrondy bazaǵa tirkep aldy.

Jalpy qala kóshelerinde kezdesken turǵyndardyń basym bóligi dúkenge azyq-túlik alýǵa nemese dárihanaǵa dári alýǵa bara jatqandar boldy. Medıtsınalyq qyzmetke júginip kele jatqandar da kezdesti. Máselen, polıtsııa toqtatqan taǵy bir azamat travmatologııa ortalyǵynan medıtsınalyq kómek alyp kele jatqanyn dáleldeıtin qaǵazdaryn kórsetti.

Kóshede mas kúıde kele jatqan azamat ta kezdesti. Ony polıtsııa qyzmetkerleri ustap alyp ketti.

«Ony narkologııaǵa alyp barady. Eger mas bolý deńgeıi joǵary bolsa, onda qoǵamdyq orynda jáne karantın rejımi kezinde osylaı júrgeni úshin ákimshilik aıyppul rásimdeledi», - dedi Qanat Nysantaev.

Jergilikti polıtsııa qyzmetiniń basshysy kólik júrgizýshilerine de eskertý jasalyp jatqanyn aıtady. Al karantın erejesin óreskel buzyp, qolǵa túskenderdiń kóligi birden aıypturaǵyna qoıylady. Degenmen, qala kóshelerinde kólik óte az ekendigin aıta ketý kerek.

Karantın bastalǵaly beri qalada tirkeletin qylmys sany da kúrt tómendegen. Tipti joq desek te bolady.

«Jalpy, qala kóshelerin sholǵyndaýǵa adam jetkilikti. Sebebi Ulttyq ulan men Qorǵanys mınıstrliginiń jaýyngerleri kómekke keldi. Bizde 140 baǵdar bar jáne bir baǵdarda 3 adamnan kúndelikti sholǵyndaý júrgizedi», - dedi ol.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT