+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Karantın: Almatynyń Medeý aýdanyndaǵy 8 nysan sot sheshimimen jumysyn toqtatty

2021 jylǵy 12 naýryz 13:26
Bólisińiz:
Karantın: Almatynyń Medeý aýdanyndaǵy 8 nysan sot sheshimimen jumysyn toqtatty

ALMATY. QazAqparat - Almatyda Medeý aýdanyndaǵy birqatar mekemeniń qyzmeti karantın sharalaryn buzǵany úshin sot sheshimimen toqtatyldy, dep habarlaıdy QazAqparat tilshisi.

Bul týraly aýdan ákimi Áset Masabaev pen Medeý aýdany Sanıtarlyq-epıdemıologııalyq baqylaý basqarmasynyń basshysy Qasymhan Alpysbaıuly ótkizgen brıfıngide aıtyldy.

Koronavırýs ınfektsııasyn taratpaý, karantın rejımi men sanıtarlyq-epıdemıologııalyq talaptardyń buzylýyn anyqtaý maqsatynda aýdanda monıtorıng toptary jumys istep jatyr.

«Juqtyrý qaýpi joǵary oryndar - qyzmetine tyıym salynǵan meıramhanalar, klýbtar. Aýdanda adamdar kóp jınalatyn negizgi oryndar, ıaǵnı qaýipti dep - «Nebo», «Manana», «Bla Bla», «Artıst (burynǵy BHB)», «Barvıha», «Barmaglot», «Sınıı fantomas», «Tantsy bary» sııaqty túngi mekemelerdi ataýǵa bolady. Mysaly, atalǵan túngi klýbtardyń barlyǵy karantın sharalaryn buzǵany úshin birneshe ret ákimshilik jaýapkershilikke tartyldy»,- dedi Áset Masabaev.

Búgingi kúni aýdandyq Polıtsııa basqarmasynan Medeý aýdanynyń Sanıtarlyq-epıdemıologııalyq baqylaý basqarmasyna 105 shuǵyl habarlama kelip tústi.

92 hattama toltyryldy, onyń ishinde: 37 zańdy tulǵaǵa 12,4 mln teńge; 55 jeke tulǵaǵa 2,4 mln teńge aıyppul salyndy. Barlyǵy sotqa 16 materıal jiberildi.

«Onyń ishinde 2021 jyldyń basynan beri qabyldanǵan sharalar boıynsha 8 nysan:

1. «Barmaglot» bary, Ál-Farabı dańǵyly 116/21 – 10 aqpanda 100 AEK (277 800 teńge) mólsherinde ákimshilik hattama jáne 1 aıǵa qyzmetin toqtatý;

2. «Dreams Almaty» laýndj bary, Ǵ.Qaıyrbekov kóshesi 35a, 15 aqpannan bastap 100 AEK túrinde (277 800 teńge) ákimshilik hattama jáne 1 aıǵa qyzmeti toqtatyldy.

3. «Pýgasov» meıramhanasy Abdýllınder kóshesi 70, 16 aqpannan bastap 100 AEK kóleminde ákimshilik (277 800 tg) hattama toltyryldy jáne 1 aıǵa qyzmeti toqtatyldy.

4. «Manana» meıramhanasy Dostyq dańǵyly 535, 17 aqpannan bastap qyzmeti 15 kúnge toqtatyldy.

5. «Orda Game Center» kompıýter klýby, Báribaev kóshesi 43-10, aqpannan bastap qyzmetin 30 kúnge toqtatý;

6. «Bılıard klýby» Abdýllınder kóshesi 50, 5 naýryzdan bastap karantın sharalary alynǵanǵa deıin qyzmetin toqtatý;

7. «Loto Club» bıngo klýby Gogol kóshesi 2, 5 naýryzdan bastap karantın sharalary joıylǵanǵa deıin qyzmetin toqtata turý;

8. «Loto Club» bıngo klýby Pýshkın kóshesi 44/51, 5 naýryzdan bastap karantın sharalary alynyp tastalǵanǵa deıin qyzmeti toqtatyldy.

«Sottyń qaraýynda 8 materıal bar», - dedi Áset Masabaev.

Turǵyndar Medeý aýdany boıynsha 8-701-378-4468, 8-778-163-0103 nómirine habarlasyp shaǵym qaldyra alady


Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT