+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Karantın: Almatyda kardıologııalyq ortalyq qyzmeti qalaı jumys isteýde

2020 jylǵy 12 tamyz 19:53
Bólisińiz:
Karantın: Almatyda kardıologııalyq ortalyq qyzmeti qalaı jumys isteýde

ALMATY. QazAqparat – Karantın kezinde kóptegen sala qalypty jumys sarynynan jańylǵany ras. Onyń ishinde medıtsına salasy bar. Atap aıtqanda, kezek kúttirmeıtin, shuǵyl medıtsınalyq kómekkke muqtaj azamattar úshin pandemııa aıasynda kómek alý úlken qıyndyq týǵyzdy.

Uqsas jańalyqtar
Qazaqstanda bir táýlikte 123 adam koronavırýstan jazylyp shyqty Ótken táýlikte 67 adamnan koronavırýs anyqtaldy Qulsaryda koronavırýstan jazylǵan sońǵy eki patsıent úıine oraldy

Qalanyń barlyq naýqastaryna kardıologııalyq kómek kórsetetin Almaty qalalyq kardıologııalyq ortalyǵyna qazir aǵylyp jatqan adam kóp.

Bireýler júregin kórsetýge kelse, ekinshileri josparlanǵan emin jalǵastyrýǵa kelip jatyr. Sebebi oǵan deıin bul naýqastar karantın kesirinen aýrýhanaǵa kele almady.

«Karantın kezinde kóp adam kelýge qoryqty. Aýyryp tursa da, jaǵdaıy qıyn bolsa da. Úıden emdelýge tyrysty. Sondyqtan bolar, bizde karantın 4 aıynda qaralǵan adam sany ádettegiden az boldy», - dedi ortalyq dırektory Almat Qodasbaev.

Karantın kezinde ortalyqta ádettegi 6 bólimsheniń 2-ǵana istep turǵan.

Qalǵan 2 bólimshe provızorlyq ortalyq sııaqty jasaqtalyp, koronavırýs ınfektsııasy bolýy yqtımal degen naýqastardy, qyzýy joǵary adamdardy qaraýǵa qaıta jasaqtalǵan. Dárigerlerge, medıtsınalyq qyzmetkerlerge únemi qorǵanys quraldaryn kıip júrýge, qorǵanys kıimimen ota jasaýǵa týra kelgen.

Tótenshe jaǵdaı jarııalana salysymen ortalyqqa shuǵyl kelgen adamdardan PTR taldaý qabyldaýǵa múmkindik bolmaǵan kezder bolǵan. Dárigerler tek belgili bir ýaqyttan keıin vırýs juqtyrǵan-juqtyrmaǵanyna kóz jetkizip otyrǵan. Olarǵa belgisiz nársemen betpe bet kelýge týra keldi.

«Naýqastardy PTR taldaýyn tekserip jatýǵa ýaqyt bolmaıdy. Shuǵyl túsken adamǵa shuǵyl ota jasala beredi. Kardıologııalyq kómek kórsete otyryp, koronavırýsqa PTR taldaý jasaı beremiz. Nátıjesin 10-12 saǵattan keıin bilgen kezder boldy.

4 aı karantın kezinde ortalyqqa emdelýge kelgen 14 adamnan koronavırýs shyqqan. Onyń ishinde 10 patsıentke shuǵyl túrde koronarografııa jasaldy. 4 patsıentke odan kúrdelirek ota jasaldy. Eń egde patsıent 80 jasta boldy. 2 adam gıpoksııa jaǵdaıynda júrek jumysyn jaqsartý maqsatynda ekstrakorporaldy membranalyq oksıgenator apparatyna qosyldy. Ol kisilerde ottegi mólsheri óte tómen kórsetip turdy. Naýqastar uzaq ýaqyt arnaıy apparatqa qosylyp jatty», - dedi Almat Qodasbaev.

Qazir ol naýqastardyń barlyǵy ortalyqtan shyǵyp, arnaıy profıldik ınfektsııalyq aýrýhanalarǵa jiberilgen.

Onyń aıtýynsha, sońǵy 4-5 kúnde koronavırýs ınfektsııasy rastalǵan patsıent túspedi.

Ortalyq mamandary ınfektsııalyq gospıtalderge 370 ret konsýltatsııaǵa shyqqan.

Álbette, júrek qan tamyrlary patologııasy bar adamdarǵa vırýs juqqan jaǵdaıda jaǵdaıy ýshyǵýy yqtımal.

«Júregi aýyratyn adamdarda vırýstyq aýrýlar aýyr ótedi. Sebebi, júıeli túrde qabyný protsesi, vırýstyń júrek kletkalaryna toksındik yqpaly arta túsedi. Buryn ota jasatqan adamdar da saq bolýy kerek. Júrek aqaýy bar adamdarǵa halyqaralyq usynystar bar. Qabyldap jatqan dárilerdi toqtatýǵa bolmaıdy. KOVID jaǵdaıynda ınfektsıonıster kóbirek sý ishýge keńes beredi. Al júrek aqaýy bar keıbir naýqastarǵa sý ishýge kerisinshe bolmaıdy. Onsyz da júrektiń jıyrylý qabyleti tómen adamdarǵa artyq sý keri áser etedi. Ondaı kezde mindetti túrde kardıologpen keńesý kerek. Maıly tamaq jeý de júregi aýyratyndarǵa aýyr keledi. Al qan suıyltatyn antıkoagýlıanttar kerisinshe oń yqpal beredi. Ony esh kedergisiz jalǵastyrýǵa bolady. Antıbıotıkterdiń keıbirin júrek emes, baýyr men búırek jetkiliksizdigi kezinde qoldanýǵa bolmaıdy», - dedi A.Qodasbaev.

Jaǵdaıy óte nashar vırýsqa qarsy terapııany júregi de, ókpesi de kótere almaıtyn naýqastar EKMO apparatyna qosylady. Birneshe kún boıy es-tússiz jatqan adamnyń júregi men ókpesiniń fýnktsııasyn osy apparat atqarady.

Osyndaı apparat ortalyqta 1 ǵana. Qala boıynsha taǵy 4 medıtsınalyq ortalyqta EKMO apparaty bar.


Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT