+7 (701) 759 90 19
USD 419.66 EUR 500.44
RUB 5.62 CNY 64.73
Jańalyqtar

Karantın: Almatyda eki bir táýlikte 370 kásipkerlik nysan tekserildi

2021 jylǵy 24 qańtar 16:11
Bólisińiz:
Karantın: Almatyda eki bir táýlikte 370 kásipkerlik nysan tekserildi

ALMATY. QazAqparat – Ótken eki táýlik ishinde Almatynyń monıtorıngtik toptary 370 nysanda karantındik sharalardyń saqtalýyn tekserý barysynda 58 kásipkerlik nysanynda karantındik talaptarynyń buzylǵandyǵyn anyqtady, dep habarlaıdy QazAqparat.

Uqsas jańalyqtar
Qazaqstanda ótken táýlikte 832 adamnan koronavırýs anyqtaldy 9 naýryzda Bas sanıtardyń jańa qaýlysy kúshine enedi BQO-da bıyl koronavırýs juqtyrǵandar sany 4 myńnan asty

Quramyna aýdan ákimdikteriniń, jergilikti polıtsııa qyzmetiniń qyzmetkerleri, sondaı-aq «Atameken» kásipkerler palatasynyń ókilderi kiretin monıtorıngtik toptar kásipkerlik nysandary boıynsha karantındik rejım talaptarynyń buzylý faktilerin anyqtaý jáne jolyn kesý, koronavırýstyq ınfektsııanyń taralýyna jol bermeý úshin qoldanystaǵy sharalardyń qajettiligin túsindirý maqsatynda aǵymdaǵy jylǵy 22-24 qańtar aralyǵynda aýdandardy aralap shyqty.

Aralaý barysynda 370 nysan tekserildi. 58 nysannan buzýshylyqtar anyqtaldy.

Barlyq materıaldar ákimshilik sharalar qabyldaý úshin jiberildi. Shekteý sharalary men sanıtarlyq erejelerdi júıeli túrde (2-3 ret) jáne qasaqana buzý faktileri anyqtalǵan jaǵdaıda materıaldar ÁQBtK-niń 462-babynyń 3-bóligi boıynsha quqyq buzýshylardy jaýapqa tartý jáne sotqa berip, is qozǵaý úshin aýmaqtyq prokýrorlarǵa beriledi. Zańnamaǵa sáıkes, quqyq buzýshylarǵa jaýapkershilik retinde uıymnyń qyzmetin toqtatýǵa deıin qarastyrylǵan.

Almaty ákimdigi maska rejımin jáne áleýmettik qashyqtyqty, jeke gıgıena sharalaryn qatań saqtaýǵa shaqyrady. Kásipkerlik sýbektileri pandemııa kezeńinde qaýipsizdik sharalarynyń talaptaryn múltiksiz saqtaýy qajet — bul jumys rejımi, qyzmetkerler men kelýshilerdiń termometrııasy, áleýmettik qashyqtyq pen betperde rejımin saqtaýdy, jeke qorǵanysh quraldarynyń (betperdeler, qolǵaptar) aýysýyn, sanıtaızerlerdiń jáne dezınfektsııalaý quraldary qorynyń bolýyn, úı-jaılardyń jeldetilýin qamtamasyz etý. Joǵaryda atalǵan talaptardyń buzylýy uıym qyzmetkerleri arasynda syrqattanýshylyqqa jáne kásiporyndardyń jumysyn toqtatýǵa ákep soǵady. Búgingi kúni Almaty qalasynyń soty 18 kásipkerlik sýbektisiniń qyzmetin 1,3 aıǵa toqtata otyryp, 100 AEK mólsherinde aıyppul salý týraly qaýly qabyldady.

Esterińizge sala keteıik, buǵan deıin qala ákiminiń orynbasary Erjan Babaqumarov syrqattanýshylyqtyń ósýi jaǵdaıynda monıtorıngtik toptardyń jumysyn kúsheıtýdi, onyń ishinde karantındik sharalardy saqtaýǵa tekseriletin nysandardyń tizimin ulǵaıtýdy tapsyrǵan edi. Basty mindet — Almaty qalasynda koronavırýs ınfektsııasyn jappaı juqtyrýdyń aldyn alý.

«Epıdemııalyq jaǵdaı ýshyǵýda. 2020 jylǵy jeltoqsan aıynyń basynan bastap, aldyńǵy onkúndikpen keıingi onkúndiktikti salystyrǵanda, COVID-19 aýrýynyń ortasha eseppen 1,2 ese ósýi tirkeldi. 1-10 qańtar aralyǵynda -1,3 ese, al 11-21 qańtarda – 1,1 ese ósti. Infektsııany juqtyrý qoǵamdyq oryndarda, qoǵamdyq kólikterde, oıyn-saýyq oryndarynda bolady. Meıramhanalar men basqa da qoǵamdyq oryndardyń jumys rejımin erekshe baqylaýǵa alý qajet», - degen bolatyn E.Babaqumarov.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT