+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

Karantın áli alynǵan joq, turǵyndar qaýipsizdik talaptaryn saqtaýy tıis - Saparbaev

2020 jylǵy 24 qyrkúıek 05:10
Bólisińiz:
Karantın áli alynǵan joq, turǵyndar qaýipsizdik talaptaryn saqtaýy tıis - Saparbaev

TARAZ. QazAqparat –Jambyl oblysynda qaýip tobyndaǵy 27 myńǵa jýyq turǵyn tumaýǵa qarsy vaktsınamen qamtylǵan,- dep habarlaıdy QazAqparat tilshisi.

Uqsas jańalyqtar
Jambyldaǵy shalǵaı aýyldarǵa «Taza júrek» densaýlyq kerýeni attandy Tarazdyq dárigerler endoprotez qoıýdyń jańa túrin oılap tapty Nur-Sultanda 18 oqýshy koronavırýspen aýyrdy – Bilim basqarmasy

Bul týraly oblys ákimdiginde ótken jıynda aıtyldy. Basqosýda oblystyq densaýlyq saqtaý basqarmasynyń basshysy Áset Qalıev epıdemıologııalyq ahýaldy kúzde JRVI men tumaýdyń ósýi kúrdelendire túsý múmkin ekendigin aıtyp, alańdaýshylyq bildirdi. Bul oraıda turǵyndardy vaktsınatsııalaý mańyzdy ról atqaratyny sózsiz. Bıyl tumaýǵa qarsy vaktsınatsııalaý ótken jyldarmen salystyrǵanda erterek - 15 qyrkúıekten bastaldy.

Óńirde bıyl jalpy somasy 280,8 mln. teńgege tumaýǵa qarsy 320 myń dozadan astam vaktsına satyp alynǵan. «SK-Farmatsııa» JShS jelisi arqyly taǵy 110 myń doza tumaýǵa qarsy vaktsına jetkiziledi dep kútilýde.

Jambyl oblysy boıynsha taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Berik Jarqynbekov qaýip tobyndaǵy 27 myńǵa jýyq adam vaktsına qabyldaǵanyn jetkizdi.

Epıdemıologııalyq jaǵdaı týraly aıta kele, ol koronavırýs aýrýynyń sharyqtaý shegi maýsym-shilde aılarynda bolǵanyn atap ótti. Tamyz aıynda vırýstyń taraýy báseńsı tússe, qazir ınfektsııanyń oqshaýlanǵan jaǵdaılary anyqtalýda.

Oblys ákimi koronavırýstyń taralý qaýpi áli de saqtalyp otyrǵandyǵyna kóńil bólip, turǵyndar men jaýapty vedomstvolar tym erte bosańsýǵa jol bergenin atap ótti.

«Biz koronavırýspen kúres sharalaryna baıyppen qarap, onyń bizge tóndiretin qaýpin túsinýimiz kerek. Karantındik rejımdi áli eshkim joıǵan joq, turǵyndar birinshi kezekte óz jaqyndaryn dertten qorǵaýy úshin qaýipsizdik sharalaryn saqtaýy tıis», - dep atap ótti Berdibek Saparbaev.

Oblys ákimi apparatynyń qyzmetkerleri ózderi arnaıy tekseris júrgizip, mobıldi toptardyń nazarynan tys qalǵan birqatar zań buzýshylyqtardy anyqtaǵan. Aıtalyq, shekteý sharalaryna qaramastan oblys ortalyǵyndaǵy «BoRa», «MART MAGNAT», «Beıbarys», «Gaýhar», «Adora me» saýda úıleri, «Mansard», «Enigma» kafeleri, «Alma-Ata», «Gaýhartas», «Taraz holl», «Úmit», «Sátti», «Aq orda» meıramhanalary, «Aral» monshasy jumys istegeni belgili bolǵan.

Qyzmet alýshy retinde qaladaǵy birneshe meıramhanalaryna qońyraý shalǵanda da, «Іnjý Marjan», «Sátti», «Grand Shırın» meıramhanalarynyń ókilderi jaqyn arada bos kúnder joqtyǵyn aıtyp, jaýap bergen. Aýdandardaǵy jaǵdaı da osyndaı.

«Turǵyndar birneshe júzdegen qonaqtardy shaqyryp, merekelik sharalar, úılený toılaryn uıymdastyrýda. Demalys kúnderi oıyn-saýyq oryndary men saýda oryndaryn aralaıdy. Eshkim maska rejımin jáne áleýmettik ara qashyqtyqty saqtamaıdy. Bul rette taýarlar men kórsetiletin qyzmetterdiń sapasy men qaýipsizdigin baqylaý departamenti eshqandaı shara qoldanbaıdy, mobıldi toptardyń jumysyna qatyspaıdy, polıtseılermen birlesip áreket etpeıdi. Mundaı jaýapty kezeńde jumystaryńyzǵa nemquraıly qaraýǵa bolmaıdy», - dedi aımaq basshysy.

Ol densaýlyq saqtaý basqarmasyna, taýarlar men kórsetiletin qyzmetterdiń sapasy men qaýipsizdigin baqylaý departamentine, «SK-Farmatsııa» JShS óńirlik keńsesine birlesip jumys isteýdi jáne epıdemıologııalyq ahýal nasharlaǵan jaǵdaıda barlyq múmkin sharalardy aldyn-ala oılastyrýdy tapsyrdy.


Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT