+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Qaraqat Bashanova Junior Eurovision baıqaýynyń fınalynda án shyrqady

2020 jylǵy 29 qarasha 22:29
Bólisińiz:
Qaraqat Bashanova Junior Eurovision baıqaýynyń fınalynda án shyrqady

NUR-SULTAN. QazAqparat – Junior Eurovision XVIII án baıqaýy bastaldy. Qazaqstan namysyn 12 jasar ánshi Qaraqat Bashanova qorǵap jatyr. Ol osy baıqaýda óziniń ákesine arnaǵan «Forever» ánin shyrqady, dep habarlaıdy QazAqparat tilshisi.

Junior Eurovision baıqaýynyń ashylý saltanatynda ótken jyly jeńimpaz atanǵan polıak ánshisi Vıkı Gabor ár eldiń óner kórsetetin rettik nómirin anyqtady. Nátıjesinde, Qaraqat «Forever» ánin ekinshi bolyp, ıaǵnı germanııalyq qatysýshynyń qoıylymynan keıin oryndaıtyny belgili boldy. Barlyǵy vırtýaldy sahnada 12 qatysýshy baq synaıtyn bolady.

Jarystyń erejesi boıynsha, jeńimpaz ádil qazylar alqasy músheleriniń daýys berýi jáne 2 kezeńde ótetin onlaın daýys berý arqyly anyqtalady.

Qazaqstandyqtar Qaraqatqa ǵana emes, sondaı-aq basqa elderdiń qatysýshylaryna da daýys berýdiń biregeı múmkindigine ıe. Kórermenderdiń daýys berýi junioreurovision.tv saıtynda ótedi.

Daýys berý 28-shi qarashadan 29-shy qarasha aralyǵynda konkýrstyń fınaly bastalǵanǵa deıin jalǵasty. Fınal aıaqtalǵannan keıin, kórermenderdiń ózderiniń súıikti ánshileri úshin daýys berýi úshin taǵy 15 mınýt ýaqyt berildi.

8 qazan kúni Junior Eurovision baıqaýynyń resmı saıtynda Qaraqat Bashanovanyń «Forever» atty ánine túsirilgen beınebaıany jarııalandy. Jobanyń avtory - belgili qazaqstandyq stsenarıst jáne rejısser Málik Zenger. Tarıhı ózgeshelikterdi eskere otyryp, kıimderdi egjeı-tegjeıli oılastyrýmen tanymal stılıst Anarbek Járdemov bastaǵan «Qazaqfılm» AQ mamandary aınalysty. Túsirilim Almaty qalasynda ótti.

2020 jylǵy Junior Eurovision baıqaýyna Belarýs, Frantsııa, Grýzııa, Qazaqstan, Malta, Nıderlandy, Reseı, Serbııa, Ispanııa, Ýkraına, Polsha jáne Germanııa elderiniń ókilderi qatysyp jatyr.


Foto/ Junioreurovisionofficial



Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT