Qaraqalpaqstanda 2 tamyzǵa deıin tótenshe jaǵdaı jarııalandy
2022 jylǵy 3 shilde 03:08

Qaraqalpaqstanda 2 tamyzǵa deıin tótenshe jaǵdaı jarııalandy

NUR-SULTAN. QazAqparat - Ózbekstan Prezıdenti Shavkat Mırzeev Qaraqalpaqstan Respýblıkasynyń aýmaǵynda tótenshe jaǵdaı jarııalaý týraly jarlyqqa qol qoıdy. Bul týraly Ózbekstan Prezıdentiniń baspasóz hatshysy Sherzod Asadov Telegram arnasynda habarlady.

«Prezıdent Jarlyǵymen azamattardyń qaýipsizdigin saqtaý, olardyń quqyǵy men erkindigin qorǵaý, zańdylyqty qalpyna keltirý jáne tártip ornatý maqsatynda Qaraqalpaqstan Respýblıkasynyń aýmaǵynda 2022 jyldyń 3 shildesi kúngi saǵat 00:01 mınýttan 2022 jyldyń 2 tamyzy kúngi saǵat 00:00-ge deıin tótenshe jaǵdaı jarııalandy» delingen habarlamada.

Ózbekstan Ulttyq gvardııasynyń baspasóz qyzmetiniń habarlaýynsha, TJ kezinde 21:00-den 7:00-ge deıin komendanttyq saǵat bolady. Qaraqalpaqstanǵa barý jáne el aýmaǵyna shyǵý shekteledi. Adamdar jappaı qatysatyn sharalarǵa tyıym salynady.

Komendatýra bastyǵy bolyp Ózbekstan Ulttyq gvardııasynyń qolbasshysy Rýstam Djýraev taǵaıyndaldy.


Jańalyqtar

Úrdis

MURAǴAT