+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Qaraǵandynyń jańartylǵan vokzaly jyldyń sońynda ashylady

2019 jylǵy 4 shilde 09:13
Bólisińiz:
Qaraǵandynyń jańartylǵan vokzaly jyldyń sońynda ashylady

QARAǴANDY. QazAqparat - Qaraǵandy vokzalynda aýqymdy qaıta jańǵyrtý jumystary jalǵasýda, dep habarlaıdy oblys ákiminiń resmı saıty.

Kúrdeli jóndeýden keıin ǵımarat keń jáne qolaıly bolady jáne bul rette bastapqy beınesi saqtalady. Bul jumysty jáne basqa jumys barysyn Qazaqstan temir jolynyń ókilderi muqııat qadaǵalaıdy.

- Biz úshin basty mindet ǵımarattyń tarıhı beınesin saqtaý. Sonymen birge vokzaldy zamanaýı normalar men talaptarǵa sáıkes jasaý. Syrtqy qaptamasymen qıyndyqtar týyndaǵan joq. Sáýletshiler qoıylǵan mindetti oryndaýǵa múmkindik beretin materıaldar men elementterdi irikteı aldy. Ǵımarattyń ishin qaıta qurý kúrdeli boldy. Ótkizý qabiletin ulǵaıtý úshin, sonymen birge lańkestikke qarsy qaýipsizdik boıynsha talaptardy eskerý úshin bizge japsarlas qurylysty qosýǵa týra keldi. Alaıda qaraǵandylyqtarǵa bul jóninde alańdaý qajet emes, sebebi vokzal syrtynan jóndeýge deıingi túrimen barynsha uqsas bolady, - dedi «Qazaqstan temir joly» AQ qurylys jónindegi dırektordyń keńesshisi, tehnıkalyq sarapshy Elýbaı Orymbaev.

null

Jobany ázirleýshiler barlyq detaldardy eskerýge tyrysty. Alaıda jumys barysynda ózgertýge týra keldi. Jumysshylar isti bastaǵanda jabyn arqalyqtary jaramsyz ekeni anyqtaldy jáne olardy tolyǵymen aýystyrý kerek boldy. Perronda sý jańbyrdan jáne qar jaýǵannan keıin jertólede jınalmas úshin qosymsha nóser kárizin jabdyqtaýǵa týra keldi. Sonymen birge ǵımaratta káriz ben barlyq elektr jelileri aýystyryldy.

- Bul qosymsha shyǵyndy talap etpedi. Barlyq jumystardy ǵımarat qaıta qurýdan keıin kóp jyl qyzmet etetindeı barynsha sapaly jasaýǵa tyrysamyz. Keıbir detaldardy basqa vokzaldardy qaıta qurý tájirıbesine qarap eskeremiz. Mysaly, Nur-Sultan eski vokzalynda jer asty konkorsty ótetin jer ornatylǵanda ondaǵy ekskalatorlar tek -10 gradýs Tselsıı temperatýraǵa deıin jumys isteı alatyny anyqtaldy. Ótetin jerlerdi jylytýǵa jáne qosymsha jóndeýge shyǵyndalýǵa týra keldi. Qaraǵandy vokzalynda jobada jylytylatyn ótetin jer birden qarastyryldy, - dep túsindirdi sarapshy.

null

Onyń aıtýynsha, vokzaldy qaıta qurý boıynsha jumys sapasy únemi qadaǵalanady. Oblys ákimi aımaqqa tekserispen ózi kelip otyrady. Qázir merdigerlerge narazylyqtar joq.

Qaraǵandy temirjolyndaǵy kúrdeli jóndeý 2018 jyldyń tamyzynda bastaldy. Jobaǵa sáıkes, onyń ótkizý qýaty eki ese ulǵaıtylǵan. Ǵımaratta ana men bala bólmeleri jáne múmkindigi shekteýli tulǵalarǵa arnalǵan jeke ájethanalarymen demalys bólmeleri ashylady. Vokzal ekskalatorlarmen jáne lıfttermen jabdyqtalady, onda zamanaýı býfet salynady. Temirjol joldaryna shyǵý qolaıly bolady - oǵan jabyq jerústi ótkeli boıynsha ótýge bolady.

Jumysty tolyǵymen aıaqtaý osy jyldyń sońyna josparlanýda.


null

Bizdiń kanalymyzǵa jazylyńyz:

Basty sózder: QTJ, Qaraǵandy oblysy, Qoǵam, Qurylys,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT