Qaraǵandynyń «Shahter» komandasyna jańa bas bapker taǵaıyndaldy
2022 jylǵy 28 maýsym 23:24

Qaraǵandynyń «Shahter» komandasyna jańa bas bapker taǵaıyndaldy

NUR-SULTAN. QazAqparat – Qazaqstan premer-lıgasynda óner kórsetetin Qaraǵandynyń «Shahter» komandasyna jańa bas bapker taǵaıyndaldy, dep habarlaıdy QazAqparat tilshisi.

«Shahter» fýtbol klýbynyń baspasóz qyzmetinen málim etkenindeı, komandany qazaqstandyq maman Vahıd Masýdov jattyqtyratyn boldy.

Vahıd ıÝnýsovıchtiń bapkerlik tájirıbesi mol, sonyń ishinde «Shahter» komandasynda (2000, 2005, 2006) ter tókti.

Sondaı-aq «Taraz», «Atyraý», «Aqjaıyq», «Qaırat», «Vostok», «Ordabasy», «Lokomotıv», «Aqtóbe», «Maqtaaral» jáne Qazaqstan ulttyq quramasyn jattyqtyrdy. Sondaı-aq Qazaqstan jastar quramasynyń da tizginin ustady.

Qazirgi kezde «Shahter» komandasy 17 upaımen týrnır kestesinde 9-orynda keledi. Kelesi týrda qaraǵandylyqtar 2 shilde kúni óz alańynda «Aqtóbeni» qabyldaıdy.

Eske sala keteıik, budan buryn «Aqjaıyq» pen «Aqtóbe» fýtbol klýbtarynyń dırektorlary qyzmetinen ketkenin jazǵan bolatynbyz.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT