Qaraǵandynyń qoǵamdyq kólikterinde jolaqysyn tóleýge arnalǵan QR-kody bar japsyrmalar paıda boldy
2022 jylǵy 30 maýsym 03:33

Qaraǵandynyń qoǵamdyq kólikterinde jolaqysyn tóleýge arnalǵan QR-kody bar japsyrmalar paıda boldy

QARAǴANDY. QazAqparat – Endi Qaraǵandy qoǵamdyq kólikterinde QR-kodty skanerleý nemese jolaqysyn tóleý maqsatynda kólik kodyn engizý úshin termınalǵa barýdyń qajeti joq, dep habarlaıdy QazAqparat tilshisi.

Jolaýshylardyń yńǵaılylyǵy úshin salondarda arnaıy japsyrmalar ornalastyryla bastady. Alǵashqysy №3 avtopark avtobýstarynda paıda boldy.

Onay mobıldi qosymshasynda QR-kodpen jáne kólik kodymen jol júrý aqysyn qalaı tóleýge bolatynyn operator áleýmettik jelide túsindirip beri.

«Ol úshin basty bette qajetti bólimdi tańdap, QR-kodty skanerleý nemese tsıfrlyq kodty terý, sodan keıin óz is-áreketińizdi rastaý qajet. Elektrondyq bılet «Meniń bıletterim» bóliminde paıda bolady. Tekserý kezinde ony tekserýshige kórsetý kerek. Barlyq jolaýshylar úshin jol júrý quny - 80 teńge. Jol júrý bıleti iske qosylǵan kezde mobıldi qosymsha arqyly tólem júrgizý múmkin bolmaıdy», - dep túsindirdi qaraǵandylyqtarǵa.

Sondaı-aq SMS arqyly da tólem qoldanylady. Japsyrmada kólik kody kórsetilgen. Ony 9909 nómirine jiberý kerek. Jaýap retinde sapar týraly barlyq málimetter bar habarlama keledi (kúni, ýaqyty, baǵyty, kóliktiń memlekettik nómiri jáne t. b.). Jol júrý quny – 80 teńge.


Uqsas jańalyqtar

Jańalyqtar

Úrdis

MURAǴAT