+7 (701) 759 90 19
USD 402.37 EUR 449.81
RUB 5.86 CNY 56.67
Jańalyqtar

Qaraǵandynyń bas sanıtarlyq dárigeri: Arzan týrpaketterge qyzyqpaǵan jón

2020 jylǵy 21 naýryz 19:12
Bólisińiz:
Qaraǵandynyń bas sanıtarlyq dárigeri: Arzan týrpaketterge qyzyqpaǵan jón

QARAǴANDY. QazAqparat - Qaraǵandy oblysynyń Taýarlar men qyzmetterdiń sapasy men qaýipsizdigin baqylaý departamentiniń basshysy Qanat Asqarov aımaq turǵyndaryna úndeý joldady, dep habarlaıdy QazAqparat tilshisi.

Bas memlekettik sanıtarlyq dáriger qaraǵandylyqtardy Naýryz meıramyn otbasynda atap ótýge jáne alys saparlardan bas tartýǵa shaqyrdy.

«Bizdiń elimizde koronavırýspen kúres júrip jatyr. Ol qozǵalys neǵurlym az bolsa, indettiń taralýy aýmaǵy tarylady degen úndeýmen ótýde. Sizderdi Naýryz merekesin týǵan-týystar men jaqyndar arasynda ótkizýge, adamdar kóp shoǵyrlanatyn oryndarǵa barmaýǵa, oblystan tys jerlerge alys saparlardy josparlamaýǵa shaqyramyn. Koronavırýstyq ınfektsııamen aýyrǵandar arasynda jaǵdaıy qolaısyz elderge barǵan adamdar bar. Densaýlyq saqtaý mınıstrliginiń birneshe márte eskertýine qaramastan azamattar joldama boıynsha baryp qaıtty. Taǵy da ótinerim: tómen baǵaǵa qyzyqpańyzdar. Arzan týrlar sizdiń jaqyndaryńyzdyń densaýlyǵy men ómirinen artyq emes!», - dedi Qanat Asqarov tikeleı efırde ótken brıfıngte.

Esterińizge sala keteıik, Qaraǵandy medıtsınalyq mekemesinde sheteldik sapar kezinde juqtyrǵan er adam men áıel emdelýde . Patsıentterdiń jaǵdaıy qanaǵattanarlyq, olar barlyq qajetti preparattar men protsedýralardy alady, dep habarlady departament basshysy.

Oblysta koronavırýstyq ınfektsııa baqylaýda, dep atap ótti ol.

Sanıtarlyq dárigerler aldyn alý jáne epıdemııaǵa qarsy is-sharalardyń oryndalýyn qadaǵalaıdy.

Brıfıng barysynda bilim basqarmasynyń basshysy Esenǵazy Imanǵalıev tótenshe jaǵdaı kezinde balabaqshalardyń jabylýy múmkin ekendigin aıtty.

Bul másele qazir qarastyrylýda. Áńgime iri qalalar, eń aldymen oblys ortalyǵy týraly bolyp otyr.

«Basty qundylyq – bul bizdiń balalarymyzdyń densaýlyǵy men amandyǵy. Statıstıka kórsetkendeı, qazir ata-analardyń 20%-y balalardy balabaqshalarǵa ákeledi. Balabaqshadan óz erkimen kelýden bas tartqan adamdar úshin olardyń oryndary saqtalady. Balabaqshaǵa balalardyń qanshasy keletini ondaǵy qyzmetkerlerdiń jalaqysyna áser etpeıdi. Eger biz balabaqshalardyń qyzmetin toqtatatyn bolsaq, bul qaýipsizdikti kúsheıtedi dep oılaımyn», - dep atap ótti Esenǵazy Imanǵalıev.

Spıker sondaı-aq oqýshylardyń qashyqtyqtan oqytýǵa kóshý múmkindigi boıynsha daıyndyq júrgizilip jatqanyn habarlady. 6-shy sáýirde mektep oqýshylarynyń kezekten tys demalysy aıaqtalady. Osy ýaqytqa taman jaǵdaıǵa baılanysty qalaı áreket etý kerektigi sheshiledi. Kolledj stýdentteri 16 naýryzdan bastap qashyqtyqtan bilim alýǵa kóshti. Protsess shtattyq rejımde júrip jatyr. Qaraǵandy oblysynyń eńbek ınspektsııasy jónindegi basqarmasynyń basshysy Irına Lıýbarskaıa alys jolǵa shyqqan uıymdar men kásiporyndardyń qyzmetkerlerine aqy tóleý júıesi týraly aıtyp berdi. Ol eńbek zańnamasynyń normalaryn túsindirdi.

Spıkerler onlaın kelip túsken barlyq suraqtarǵa jaýap berip, azamattardy Naýryz meıramymen quttyqtady.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT