Qaraǵandylyq volonterler meıramda 1800-ge jýyq azyq-túlik jıyntyǵyn taratty
2022 jylǵy 24 naýryz 22:04

Qaraǵandylyq volonterler meıramda 1800-ge jýyq azyq-túlik jıyntyǵyn taratty

QARAǴANDY. QazAqparat – Bıyl Qaraǵandy oblysynda Naýryz meıramyn toılaý «Qaıyrymdy ult» aktsııasymen erekshelendi, dep habarlaıdy QazAqparat tilshisi.

19-23 naýryz aralyǵynda áleýmettik osal toptarǵa jatatyn óńir turǵyndaryna 1755 azyq-túlik jıyntyǵy taratylyp, jalǵyzbasty qarııalardyń úı aýlalary qardan tazartyldy.

Jańaarqa aýdanynda 500-ge jýyq otbasy azyq-túlik paketin aldy. Jergilikti kásiporyndar men uıymdardyń ujymdary 3 mıllıon teńgege demeýshilik kómek kórsetti.

Prıozersk qalasynda salmaǵy 12 keli bolatyn 300-den astam azyq-túlik sebeti taratyldy. Sondaı-aq Naýryzdy toılaý kezinde ortalyq alańda qala turǵyndary úshin tegin dastarhan jaıyldy. Meıramǵa oraı 1 myń keli palaý, 600 lıtr naýryz kóje, 180 keli baýyrsaq daıyndaldy.

Áleýmettik qamqorlyqtaǵy Balqash turǵyndaryna 297 azyq-túlik jıyntyǵy men tátti syılyqtar tabys etildi. Demeýshiler «Qazaqmys Smeltıng» JShS, «Sary-Qazyna» jáne «Balqashtústimet» kásiporyndary boldy. Sondaı-aq qalada jalǵyzbasty qart adamdarǵa, múgedek balalarǵa, kópbalaly jáne az qamtylǵan otbasylarǵa arnalǵan qaıyrymdylyq túski as ótkizildi. Aktsııany 15 dámhana, meıramhana jáne aspazdyq dúkender qoldady.

Osakarov aýdanynda 136 azyq-túlik sebeti taratyldy. Standartty azyq-túlikterden basqa, olar turǵyndardy óz egistikterinen jınaǵan kókónistermen qamtamasyz etti.

Sondaı-aq aktsııaǵa Nura Arnasy tobynyń eriktileri qosyldy. Olar 30-dan astam azyq-túlik jıyntyǵyn jınady. Sonymen qatar aýylsharýashylyq taýaryn óndirýshiler «Altyn alqa» jáne «Kúmis alqa» ıegeri atanǵan kópbalaly áıelderge 18 qap kartop taratty.

Qaraǵandyda Jastar resýrstyq ortalyǵynyń eriktileri 35 azyq-túlik sebetin alyp, mereke kúnderi temirtaýlyqtarmen birge eki qalanyń turǵynyna baýyrsaq taratty.

«Bizdiń eriktiler jyl saıyn túrli aktsııalarǵa qatysyp, turǵyndarǵa kómektesedi. Olar muqtajdarǵa azyq-túlik jıyntyqtaryn jetkizýge jumyldyryldy. Sondaı-aq, jalǵyz basty qart turǵyndarǵa sharýashylyq boıynsha kómek kórsetiledi, qar tazalanady, otyn daıyndalady jáne basqa da máselelerde qoldaý kórsetiledi», - dep atap ótti Qaraǵandy Jastar resýrstyq ortalyǵynyń dırektory ıAkýb Djamalov.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT