Qaraǵandylyq volonterler bir aıda 16 myń adamǵa kómek kórsetti

QARAǴANDY. QazAqparat – Qaraǵandy oblysynda «Saryarqa jastary» oblystyq volonterder shtaby quryldy. Onda kez kelgen turǵyn qońyraý shalyp, kómek suraı alady. Eriktiler tapsyrys qabyldap, qart adamdarǵa dúkennen azyq-túlik, dárihanadan dári-dármek jetkizedi, dep habarlady QazAqparat tilshisi.

Uqsas jańalyqtar

Elordalyq volonterler vaktsına alýǵa shaqyrǵan aktsııa uıymdastyrdy

Shtabta qazir 150 erikti jumys isteıdi. Eriktiler qozǵalysyna qosylýǵa nıet bildirýshiler Belsendi Azamat platformasynda tirkele alady (saıt https://ba09.kz/).

Jalpy oblys boıynsha eriktiler qatarynda myńnan astam adam bar. Tek sońǵy aıda olar 158 aktsııa ótkizip, 16 myńnan astam adamǵa kómektesti. Bul 5 000-nan astam kóp balaly jáne az qamtylǵan otbasylar, jalǵyz basty qart adamdar, múgedekter jáne basqa da áleýmettik qorǵalatyn sanattar.

Eriktiler demeýshiler bólgen 16 mln teńgeden astam somaǵa azyq-túlik taratty. Sondaı-aq, olar muqtajdarǵa taratý úshin kóp ret qoldanylatyn maskalar tigýdi uıymdastyrdy.

Qaýipsizdikti saqtaý – mańyzdy faktor, dep atap ótti shtabta. Volonterler maskalarmen, rezeńke qolǵaptarmen jáne antıseptıkpen qamtamasyz etiledi.

Eriktiler shtabynyń telefondary: (8-7212) 40-21-33, 8-701-339-37-33 (WhatsApp), 8-702-6357331 (WhatsApp).