Qaraǵandylyq stýdentter áleýmettik bıznes-ıdeıalaryn usyndy
2021 jylǵy 24 jeltoqsan 21:40

Qaraǵandylyq stýdentter áleýmettik bıznes-ıdeıalaryn usyndy

QARAǴANDY. QazAqparat – Qaraǵandy oblysynda kolledj stýdentteri arasynda áleýmettik bıznes-ıdeıalar baıqaýy ótti. Onyń maqsaty – jastar kásipkerligin damytý, dep habarlaıdy QazAqparat tilshisi.

Uıymdastyrýshylardyń aıtýynsha, baıqaýǵa 33 jumys kelip tústi, onyń 13-i fınalǵa irikteldi. Fınalıster óz jobasyn onlaın rejımde usyndy.

Qazylar alqasy jeńimpazdardy anyqtady.

Birinshi oryndy Qaraǵandy tamaqtaný jáne servıs kolledjiniń stýdenti Polına Maıkýtova ekoshoper óndirisi jobasymen jeńip aldy.

Abaı kópsalaly kolledjiniń stýdentteri Ekaterına Karakýlova, Asqar Janamhan jáne Nıkıta ıÝrkanıs ósimdik zııankesterimen bıologııalyq kúresý tásilin usyndy.

Ol paıdaly entomofagty jándikterdi qoldanýǵa negizdelgen.

Úshinshi oryn Bolashaq Qaraǵandy joǵary kolledjiniń stýdentteri Dıdar Qadyrovqa jáne Botagóz Nurmaǵanbetovaǵa buıyrdy.

Olardyń jobasy múmkindigi shekteýli jandarǵa kómektesýge baǵyttalǵan.

Jeńimpazdar dıplomdarmen jáne sertıfıkattarmen marapattaldy.

Business Teen baıqaýyn Qaraǵandy joǵary polıtehnıkalyq kolledji men Qaraǵandy oblysynyń bilim berýdi damytý oqý-ádistemelik ortalyǵy uıymdastyrdy.


Jańalyqtar

MURAǴAT