Qaraǵandylyq soǵys ardagerleri de saıası naýqannan tys qalmady
2022 jylǵy 5 maýsym 17:18

Qaraǵandylyq soǵys ardagerleri de saıası naýqannan tys qalmady

QARAǴANDY. QazAqparat - Qaraǵandyda soǵys ardagerleri referendýmda daýys berýge qatysty. Saılaý ýchaskesine kele almaǵan qarııalarǵa úıden daýys berý múmkindigi jasaldy, dep habarlaıdy QazAqparat tilshisi.

Alǵashqylardyń biri bolyp óz tańdaýyn jasaýǵa soǵys ardageri Búrkit Esjanov keldi. Qarııa eldegi eleýli oqıǵany eskerýsiz qaldyrmaı daýys bergendi jón sanapty.

«Men búgin ózimniń referendým ýchaskeme bardym. Barsha qazaqstandyqtarǵa beıbitshilik, amandyq, gúldený jáne ashyq aspan tileımin. Jastar elimizdiń tiregi bolsyn. Al, bizdiń balalar eshqashan soǵysty kórmesin», - deıdi soǵys ardageri Búrkit Esjanov.

Ýchaskeler tańǵy 7-de ashylǵanyna qaramastan, keıbir turǵyndar saǵat altydan kútken.

«Bizdiń ýchaskemizde referendým ótkizýge turǵyndar úshin barlyq jaǵdaı jasalǵan. Múmkindigi shekteýli jandarǵa arnalǵan kabınalar da bar. Biz sondaı-aq, úıde daýys berý úshin ótinimderdi qabyldadyq. Mundaı sanattaǵy adamdar úshin óz jumysyn túske deıin bastaǵan arnaıy top uıymdastyryldy», - deıdi №170 ýchaskeniń tóraıymy Amantaı Soǵysbaı.

95 jastaǵy Uly Otan soǵysynyń ardageri Nıkolaı Rasskazımov úıde daýys berýge nıet bildirdi. Oǵan mamandar portatıvti ýrnamen bardy. Ýchaskelik referendým komıssııasynyń múshesi Rahymǵazy Tánikenovtyń aıtýynsha, №149 ýchaskede úıden daýys berýge 26 ótinish túsken.

«Konstıtýtsııany ózgertý boıynsha referendým ótkizý týraly aqparatty aldyn ala zerdeledim. Ardagerler keńesiniń múshelerimen biz osy saıası oqıǵanyń mańyzdylyǵyn talqyladyq», - deıdi Nıkolaı Rasskazımov.


Uqsas jańalyqtar
Temirtaý qalasynyń Tótenshe jaǵdaılar basqarmasyna jańa basshy taǵaıyndaldy
2022 jylǵy 4 tamyz 16:21

Temirtaý qalasynyń Tótenshe jaǵdaılar basqarmasyna jańa basshy taǵaıyndaldy

TEMІRTAÝ. QazAqparat – Temirtaý qalasy Tótenshe jaǵdaılar basqarmasynyń jańa bastyǵy bolyp azamattyq qorǵaý polkovnıgi Nurmuhamed Intýev taǵaıyndaldy. Bul týraly Temirtaý qalasy ákimdiginiń baspasóz qyzmeti málimdedi, dep habarlaıdy QazAqparat tilshisi.

Búgin basqarmanyń jańa basshysy Intýev Nurmuhamed Serikulyn Qaraǵandy oblysy Tótenshe jaǵdaılar departamentiniń bastyǵy Murat Qatpanov qala ákimi men jeke quram qyzmetkerlerine tanystyrdy.

Nurmuhamed Intýev 1979 jyly Qaraǵandy oblysynyń Jańaarqa aýdanynda dúnıege kelgen.

QR ІІM Almaty joǵary tehnıkalyq ýchılıesin, QR TJA Kókshetaý tehnıkalyq ınstıtýtyn jáne Reseı Federatsııasy Tótenshe jaǵdaılar mınıstrligi Memlekettik órtke qarsy qyzmet akademııasyn támamdaǵan.

Eńbek jolyn 1999 jyly Qaraǵandy oblysynyń Abaı qalasyndaǵy №30 órt sóndirý beketiniń memlekettik órt qadaǵalaý tobynyń ınspektory bolyp bastady.

Sondaı-aq, ár jyldary Qaraǵandy jáne Aqmola oblystarynyń Tótenshe jaǵdaılar departamentteriniń bólimshelerine basshylyq etken.

2019 jyldyń jeltoqsan aıynan bastap Qaraǵandy oblysy Tótenshe jaǵdaılar departamentiniń Daǵdarys jaǵdaılary basqarmasynyń basshysy qyzmetin atqardy.


Jańalyqtar

Úrdis

MURAǴAT