FÝTBOLDAN ÁLEM ChEMPIONATY-2022

Qaraǵandylyq oqýshy Eýropa jasóspirimder olımpıadasynda júldeli oryn aldy

2022 jylǵy 30 qyrkúıek, 07:28
Qaraǵandylyq oqýshy Eýropa jasóspirimder olımpıadasynda júldeli oryn aldy

QARAǴANDY. QazAqparat – Qaraǵandylyq 10-synyp oqýshysy EJOI-2022 ınformatıka boıynsha Eýropa jasóspirimder onlaın olımpıadasynda 2-oryn ıelendi, dep habarlaıdy QazAqparat tilishisi.

Ýkraına uıymdastyrǵan EJOI-2022 ınformatıka boıynsha Eýropalyq jasóspirimder onlaın olımpıadasyna 32 elden 172 oqýshy qatysty. Qazaqstan quramasynyń namysyn 8 adam qorǵady – olardyń barlyǵy zııatkerlik jarystardyń júldegerleri. Qaraǵandy qalasynyń №1 Bilim-ınnovatsııa lıtseı-ınternatynyń 10-synyp oqýshysy Abzal Bekejan kúmis medalǵa ıe boldy.

«Olımpıada jetistigi – bir kúnniń, tipti bir aıdyń nátıjesi emes. Ádette balalar pándik olımpıadalarǵa 6 nemese 7-synyptan bastap qatysa bastaıdy, al Abzal 8-synyptyń ortasynda ınformatıka jarystaryna kiristi. Óz básekelesterinen sál keıin bastady. Degenmen, ol aıtarlyqtaı jetistikke jetti. Jasóspirimder olımpıadasyna ol alǵash ret qatysyp otyr. Mektepte jumys istegen 8 jyl ishinde meniń oqýshylarym ártúrli deńgeıdegi olımpıadalarǵa 531 ret qatysyp, 281 medal jeńip aldy», - deıdi Abzaldyń oqytýshysy Nursultan Ahmetov.

Nursultan Ahmetov te kezinde №1 Bilim-ınnovatsııa lıtseı-ınternatynda oqyǵan. Al, keıingi 4 jyl boıy osy bilim orlasynda sabaq beredi. Informatıka páni muǵaliminiń aıtýynsha, eń bastysy – oqýshyny durys baǵyttaý jáne oǵan olımpıadalyq joldyń basyn kórsetý qajet, sodan keıin ol ózin-ózi ilgeri alyp kete alady.

«Biz osyndaı deńgeıdegi aldyńǵy olımpıadalardyń tájirıbesin qaıta qaradyq jáne zerdeledik. Jarysqa eki apta qalǵanda irikteýden ótkenderdi Astanada jınap, daıyndyqtaryn pysyqtady. Olımpıada óte qıyn bolǵan joq. Eki kezeńnen turdy, olardyń árqaısysynda úsh tapsyrma berildi. Qazaqstan quramasynda segiz oqýshy qatysyp, barlyǵy júldeli oryndarǵa ıe boldy – 5 ekinshi jáne 3 úshinshi oryn. Qaraǵandy oblysynyń atynan men jalǵyz ózim shyqtym. IT salasynda odan ári bilimimdi damytýdy josparlap otyrmyn», - deıdi Abzal.

Aıta ketsek, ınformatıka boıynsha Eýropa jasóspirimder olımpıadasy (EJOI) 2017 jyldan beri ótkizilip keledi.


Tegı:
Bilim   Olımpıada   Mektep   Oqýshy   Qaraǵandy  
Uqsas jańalyqtar
Seriktester jańalyqtary

Jańalyqtar