+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Qaraǵandydaǵy Juldyzdar alleıasyna Jánııa Áýbákirovanyń ataýly juldyzy ornatyldy

2019 jylǵy 17 qazan 05:18
Bólisińiz:
Qaraǵandydaǵy Juldyzdar alleıasyna Jánııa Áýbákirovanyń ataýly juldyzy ornatyldy

QARAǴANDY. QazAqparat - Qaraǵandyda Juldyzdar alleıasyna QR Halyq ártisi Jánııa Áýbákirovanyń ataýly belgisi ornatyldy. Pıanıst-pedagog qaraǵandylyqtarǵa jyly lebizin bildirip, klassıkalyq mýzykaǵa degen mahabbattary úshin alǵysyn bildirdi, dep habarlaıdy QazAqparat tilshisi.

Uqsas jańalyqtar
Jeńis Qasymbek aldaǵy bes jyldaǵy basymdyqtardy atady Jeńis Qasymbek Qarqaraly aýdanynyń túıitkilderimen tanysyp qaıtty Jeńis Qasymbek Jezqazǵan ákimine sógis jarııalady

Saltanatty shara aldynda «Shalqyma» kontsert zalynda Jánııa Áýbákirovanyń shyǵarmashylyq keshi ótti. Ol E. Rahmadıev atyndaǵy Qaraǵandy sımfonııalyq orkestriniń súıemeldeýimen óner kórsetti.

«Siz Qaraǵandydaǵy tamasha dástúrdi jaqsy bilesizder. Jyl saıyn «Áýendi Saryarqa» festıvali ár elden kelgen shyǵarmashylyq ujymdar men ártisterdi jınaıdy. Qaraǵandylyqtar olardy jyly qarsy aldy. Búgin bul dástúr jalǵasýda. Taǵy bir tamasha dástúr boıynsha Dańq alleıasynda 12 jyl boıy kórnekti óner qaıratkerleriniń qurmetine jańa juldyz jaǵylady. Búgin biz tamasha pıanınoshy, tamasha pedagog, birqatar daryndy shákirttiń ustazy– Jánııa Áýbákirovaǵa qurmet kórsetemiz», - dedi Qaraǵandy oblysynyń ákimi Jeńis Qasymbek.

Óńir basshysy J.Áýbákirova úshin Qaraǵandy jeri bóten emes ekenin atap ótti. Qaraǵandy oblysynda onyń ákesi dúnıege kelgen. Mýzykanttyń ózi Shet aýdanynyń qurmetti turǵyny.

Saltanatty túrde «Shalqyma» sahnasynda Janııa Áýbákirova juldyzdar alleıasynyń Qurmet kitabyna óz esimin engizdi.

Kesh barysynda QR Mádenıet jáne sport mınıstri Aqtoty Raıymqulovanyń Halyq ártisine joldaǵan quttyqtaý haty da oqyldy.

Al qoǵam qaıratkeriniń ózi Qaraǵandyǵa árdaıym erekshe sezimmen keletinin aıtyp ótti. «Shyǵarmashylyqqa degen qyzyǵýshylyqtaryńyz, klassıkalyq mýzykaǵa degen mahabbattaryńyz úshin rahmet. Qaraǵandylyq orkestrmen birge oınaǵan men úshin erekshe baqyt», - dedi Jánııa Áýbákirova.

Aýa raıynyń qolaısyzdyǵyna qaramastan «Kenshi Dańqy» eskertkishiniń janynda Juldyzdar alleıasyna kóptegen qaraǵandylyqtar, ónersúıer qaýym jınaldy. Eskertkish belginiń ashylýynan keıin Qaraǵandynyń keshki aspany ataqty pıanınoshynyń qurmetine otshashýmen jarqyrady.

«Men erekshe tolqyp turmyn. Bul keremet, saltanatty, osyndaı jyly jáne mahabbatqa toly bolady dep kútken joqpyn. Umytylmas sát. Bul óner adamdaryn keremet qanattandyrady. Men – baqyttymyn. Árıne, Qaraǵandy jerinde meniń ónerim moıyndalatyny – men úshin erekshe marapat, erekshe maqtanysh. Bul – men úshin asa qymbat. Shyǵarmashylyq, shabyt, jalpy ómirim úshin óte kúshti serpin beredi», - dedi Jánııa Áýbákirova.

Halyq ártisi Qaraǵandy oblysynyń órkendeýin tiledi.

Aıta keteıik, Juldyzdar alleıasy Qaraǵandyda 2007 jyly paıda boldy. Onyń ashylýy «Qaraǵandy - meniń jastyq shaǵymnyń qalasy» atty birinshi retro-festıvaline oraılastyryldy. Munda birinshi juldyz Halyq ártisi Bıbigúl Tólegenovanyń qurmetine jaǵyldy. Keıin Roza Rymbaevanyń, «Dos Muqasan» ansambliniń, Qaırat Baıbosynovtyń, Eskendir Hasanǵalıevtiń, Maqpal Júnisovanyń, Bolat Syzdyqovtyń jáne basqa da mádenıet jáne óner qaıratkerleriniń ataýly belgileri paıda boldy.

J. Áýbákirovanyń qurmetine arnalǵan ataýly belgi osymen onynshy bolyp otyr.

Jánııa Áýbákirova 1957 jyly 19 sáýirde Almatyda dúnıege kelgen. P. I. Chaıkovskıı atyndaǵy Máskeý memlekettik konservatorııasyn bitirdi. Sondaı-aq professor L. N. Vlasenkonyń jetekshiligimen aspırantýrany támamdady. Kórnekti qazaq pıanınoshysy álemdik mýzyka arenasynda elimizdiń dańqyn arttyrǵan, Qazaqstanda jáne shetelde únemi sheberlik sabaqtaryn ótkizedi.

1997 jyldan bastap 2018 jylǵa deıin Qurmanǵazy atyndaǵy Qazaq ulttyq konservatorııasyn basqardy. 1994 jyly Zamanýı bilim berý ádisteri men tehnologııalary boıynsha jumys isteıtin Jánııa Áýbákirovanyń avtorlyq mektebin qurdy.

1991 jyly QR Halyq ártisi ataǵyna ıe boldy. Ádebıet jáne óner salasyndaǵy QR Memlekettik syılyǵynyń laýreaty (2002), Qazaqstan Respýblıkasy Tuńǵysh Prezıdentiniń Memlekettik beıbitshilik jáne progress syılyǵynyń laýreaty (2012). «Platınaly Tarlan» táýelsiz syılyǵynyń laýreaty. Frantsııa óner jáne ádebıet ordeniniń kavaleri. Eýropada, Polshada jáne Reseıde joǵary nagradalarmen atap ótilgen.

Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT