+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Qaraǵandydaǵy kolledjde oblystyń kıeli jerleriniń vırtýaldy kartasy paıda boldy

2021 jylǵy 24 sáýir 03:26
Bólisińiz:
Qaraǵandydaǵy kolledjde oblystyń kıeli jerleriniń vırtýaldy kartasy paıda boldy

QARAǴANDY. QazAqparat – Qaraǵandy tehnıkalyq-qurylys kolledjinde oblystyń qasıetti oryndardyń fotosýretteri bar erekshe stend jasaldy.

Uqsas jańalyqtar
Qaraǵandyda jas júrgizýshi eki adamdy qaǵyp ketti Qaraǵandy oblysynda jyl basynan beri óndiris barysynda 16 adam qaza tapqan Qaraǵandydaǵy balalar úıinde robototehnıka jáne baǵdarlamalaý mektebi ashyldy

Endi stýdentter bilim berý mekemesiniń qabyrǵasynan shyqpaı, aımaqtyń 20-dan astam mádenı mura eskertkishterimen tanysa alady, dep habarlaıdy QazAqparat.

Karta jasaý kolledj oqýshylary men oqytýshylarynyń birlesken jobasy. Kartany ázirleý protsesi uzaqqa sozyldy.

«Josparymyzdy iske asyrý úshin úlken komanda jınadyq. Oǵan baǵdarlamashylar, dızaınerler, sheberler men stýdentter qatysty. Árıne, muǵalimder kómektesti. Oqý ornymyzdyń dırektory basshylyq etti», – deıdi qosymsha bilim berý pedagogy Ǵalymjan Baıǵoshqarov.

Aldymen osy isti IT-mamandar qolǵa aldy. Olar Vuforia jáne Flash baǵdarlamalarynyń kómegimen kompıýterlerde karta jasady. Kóptegen mátinder, foto jáne beıne materıaldar tsıfrlandyryldy. Sodan keıin bul iske stýdentter-qurylysshylar men dızaınerler qosyldy.

Mádenı mura eskertkishteri týraly aqparat izdeýge kóp ýaqyt ketti. Qazirgi ýaqytta oblystyń kıeli jerleriniń geografııasy alpys tórt nysandy quraıdy. Olardyń qyryq úshi aımaqtyq, al jıyrma biri jalpyulttyq mártebege ıe. Kolledjdegi vırtýaldy kartadan jıyrma bir nysandy tabýǵa bolady.

«Bizde Alasha han men Joshy han keseneleri, «Terekti áýlıe» kesheni, kóne Basqamyr qalashyǵy týraly materıaldar usynylǵan. Eskertkishter týraly qyzyqty aqparat tabý qıyn boldy. Kóbirek aqparat jınap, kartamyzdy jańa eskertkishtermen tolyqtyrý úshin kıeli jerlerge týrıstik serýen uıymdastyrýdy josparlap otyrmyz», – deıdi Ǵalymjan Baıǵoshqarov.

Ázirge bul bastamaǵa karantın kedergi bolyp tur. Bir qyzyǵy, pandemııaǵa baılanysty karta kópshiliktiń qyzyǵýshylyǵyn týdyra bastady. Telefon nemese planshet arqyly qasıetti jerlerde vırtýaldy serýen jasaý múmkindigi týyndady. Kıeli jerlerdi tamashalaýǵa «Kıeli Qaraǵandy» qosymshasy kómektesedi. Gadjettiń kamerasyn ózińizdi qyzyqtyratyn beınege baǵyttasańyz jetkilikti, qosymsha ol eskertkish týraly málimet beredi.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT