+7 (701) 759 90 19 Lenta
USD 386.77 EUR 427.26
RUB 6.00 CNY 54.56
Jańalyqtar

Qaraǵandydaǵy halyqaralyq aıtysqa 4 el aqyndary qatysady

2019 jylǵy 12 qyrkúıek 16:22
Bólisińiz:
Qaraǵandydaǵy halyqaralyq aıtysqa 4 el aqyndary qatysady

QARAǴANDY. QazAqparat – Qaraǵandy qalasynda aqyn, jazýshy Sáken Seıfýllınniń 125 jyldyǵyna jáne Jastar jylyna arnalǵan halyqaralyq aıtys ótedi. Bul týraly oblys ákimdiginen málim etti, dep habarlaıdy QazAqparat.

Uqsas jańalyqtar
Atyraýda respýblıkalyq aqyndar aıtysy ótip jatyr Nur Otan qoldaýymen ótetin alaman aıtys Qazaqstan arnasynan kórsetiledi Jeltoqsan aıyna deıin tórt oblysta alaman aıtys ótedi

Aıtysqa Qazaqstan, Monǵolııa, QHR jáne Qyrǵyzstan aqyndary qatysady dep kútilýde.

«Qaraǵandy oblysynyń namysyn Maqsat Ahanov, Aıtbaı Jumaǵulov, Dıdar Kamıev jáne Tólegen Jamanov syndy belgili aqyndar qorǵaıdy», - dedi ákimdikten.

Kesh júrgizýshisi – «Halyqaralyq aıtys jáne jyrshy-termeshi odaǵy» RQB tóraǵasy, QR eńbek sińirgen qaıratkeri Júrsin Erman. Qazylar alqasynyń tóraǵasy – Eńbek Eri, QR Halyq ártisi Asanáli Áshimov. Alqa quramyna QR Parlamenti Senatynyń depýtaty Nurtóre Júsip, QR halyq aqyny Ásııa Berkenova, «Juldyz» jýrnalynyń bas redaktory Ǵalym Jaılybaı jáne basqa da mádenıet qaıratkerleri kirdi.
halyqaralyq aıtys 18-19 qyrkúıek kúnderi S. Seıfýllın atyndaǵy oblystyq qazaq drama teatrynda ótedi. Kirý – tegin.
Sharany «Rýhanı jańǵyrý» baǵdarlamasy aıasynda «Nur Otan» partııasynyń qoldaýymen Qaraǵandy oblysynyń ákimdigi uıymdastyrýda.

Buǵan deıin habarlaǵanymyzdaı, «Nur Otan» partııasy, «Qazaqstan» RTRK jáne «Aıtys aqyndary men jyrshy, termeshilerdiń halyqaralyq odaǵy» respýblıkalyq qoǵamdyq birlestigi ózara yntymaqtastyq týraly memorandýmǵa qol qoıdy. Úshjaqty kelisimge sáıkes, jyl sońyna deıin «Nur Otan» partııasynyń qoldaýymen elimizdiń birneshe aımaǵynda ótetin barlyq aıtysqa «Qazaqstan» telearnasyna aqparattyq qoldaý kórsetedi.

Alaman aıtystar elimizdiń 4 óńirinde ótetini josparlanǵan:

- 12-13 qyrkúıekte Atyraý qalasynda Farıza Ońǵarsynovany eske alýǵa arnalǵan «Jyr juldyzy – Farıza» atty respýblıkalyq aıtys;

- 18-19 qyrkúıekte Qaraǵandyda Sáken Seıfýllınniń 125 jyldyǵyna arnalǵan halyqaralyq aıtys;

- 30 qyrkúıekte Almatyda «Otan otbasynan bastalady» atty otbasylyq aıtys;

- 19 qazanda Nur-Sultan qalasynda «Bereke birligińde, elim» taqyrybyndaǵy aıtys.

Bıyl ótetin jyr báıgelerin Oral qalasynda 7-8 jeltoqsanda ótetin «Altyn dombyra» respýblıkalyq festıvali túıindeıdi.




Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT