+7 (701) 759 90 19
USD 410.70 EUR 465.28
RUB 5.80 CNY 58.81
Jańalyqtar

Qaraǵandydaǵy farmatsevtıka zaýyttary óndiris kólemin ulǵaıtýda

2020 jylǵy 27 naýryz 02:18
Bólisińiz:
Qaraǵandydaǵy farmatsevtıka zaýyttary óndiris kólemin ulǵaıtýda

QARAǴANDY. QazAqparat - «Fıtohımııa» HǴÓH» AQ jáne Qaraǵandy farmatsevtıka zaýyty fıtopreparattardy, ósimdik zattary negizinde dezınfektsııalaýshy jáne bakterııaǵa qarsy quraldardy shyǵarý kólemin ulǵaıtty, dep habarlaıdy QazAqparat tilshisi.

Óndiristi ulǵaıtýǵa farmatsevtıkalyq zaýyt 100 mln teńgeden astam qarjy bólgen. Bul týraly Qaraǵandy oblysynyń ákimi Jeńis Qasymbekke oblys ortalyǵyna jumys sapary barysynda málim etildi.

«Qazaqstanda 16 negizgi farmatsevtıkalyq zaýyt bar, olardyń 95%-y tasymaldanatyn shıkizatpen jumys isteıdi. Al biz dárilik shıkizattan daıyn preparattarǵa deıin barlyǵyn ózimiz óndiremiz. Barlyǵy 72 ataý bar. Sondaı-aq jańa preparattar - ımmýnomodýlıatorlar ázirledik», - deıdi «Fıtohımııa» halyqaralyq ǵylymı-óndiristik holdıngi» AQ Bas dırektory Serǵazy Ádekenov.

Qaraǵandy farmzaýyty – shıkizat óndirýden, ony qaıta óńdeýden, qajetti sýbstantsııalardy alýdan daıyn preparattardy shyǵarýǵa deıingi biryńǵaı tehnologııalyq tsıkldi kásiporyn. Qazirgi ýaqytta óndiriste ósimdik shıkizatyn ekstraktsııalaý jáne lıofıldi keptirý tsehyn salý úshin daıyndyq jumystary júrgizilýde.

Jeńis Qasymbek jumys sapary barysynda iri un tartatyn kásiporynnyń jumysymen de tanysty. «Suńqar ı K» astyq kompanııasy» JShS táýligine 140 tonna joǵary, birinshi jáne ekinshi surypty un óndiredi. Kompanııa ónimderi «100 pýdov» markasymen satylady.

«Un óndirý úshin Nura, Osakarov aýdandarynan jáne Aqmola oblysynan astyq alamyz. Undy kóterme jáne bólshek saýda jelisinde ǵana emes, turaqtandyrý qoryna da jetkizemiz», - deıdi «Suńqar jáne K» astyq kompanııasy» JShS dırektory Marat Aısın.

Sondaı - aq, aımaq basshysy «Imstalkon» JShS jáne «KAZ BUILD COMPANY» JShS-nda boldy.

«Imstalkon» aı saıyn 2500-3000 tonna metall qurylymdaryn shyǵarady. Zaýyttaǵy jumys shtattyq rejimde júrip jatyr.

KAZ BUILD COMPANY ónimderi búkil Qazaqstan boıynsha suranysqa ıe. Qaraǵandy qalasynyń kóptegen iri saýda jáne óndiristik obektilerin salý kezinde osy kásiporynnyń metall qurylymdary qoldanyldy. Bıyl zaýytta sendvıch panel shyǵarylmaq.

Qaraǵandy oblysynyń ákimi osy qıyn kezeńde óndiriste jumys oryndaryn saqtap qana qoımaı, múmkindiginshe jańa jumys oryndaryn qurýǵa tyrysý kerektigin atap ótti.

Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT