+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Qaraǵandyda jemqorlyqqa qarsy mádenıetti qalyptastyrý máselesi talqylandy

2020 jylǵy 3 qyrkúıek 18:00
Bólisińiz:
Qaraǵandyda jemqorlyqqa qarsy mádenıetti qalyptastyrý máselesi talqylandy

QARAǴANDY. QazAqparat - «AntikorLIVE» jobasy aıasynda QR Sybaılas jemqorlyqqa qarsy is-qımyl agenttiginiń Qaraǵandy oblysy boıynsha departamenti basshysynyń birinshi orynbasary Ashat Orazhannyń tóraǵalyǵymen Memleket basshysy Qasym-Jomart Toqaevtyń «Jańa kezeńdegi Qazaqstan: is-qımyl ýaqyty» atty Joldaýyn talqylaý boıynsha kezdesý ótti.

Uqsas jańalyqtar
Joldaý júktegen mindetter: Prezıdent tapsyrmalary Shyǵys Qazaqstanda qalaı oryndalady Ásker kórgen bala erteń ata-anaǵa masyl bolmaıdy – Májilis depýtaty Saıası jańǵyrý: Birqatar zań jobasy ázirlenbek

Oblystyq Qazaqstan halqy Assambleıasynyń ókilderi qatysqan is-sharada sybaılas jemqorlyqqa qarsy mádenıetti qalyptastyrý jáne qoǵamda parasattylyq qaǵıdattaryn nasıhattaý máseleleri boıynsha basty tarmaqtar talqylandy.

Ashat Orazhan qatysýshylardy QR Konstıtýtsııasy men Qazaqstan halqy Assambleıasynyń 25 jyldyǵymen quttyqtap, elimizdiń basty jetistikteri Qazaqstannyń birtutas halqyn quraıtyn barlyq etnostar ókilderiniń birligi, dostyǵy men yntymaǵynyń arqasynda múmkin bolǵanyn atap ótti.

«Sybaılas jemqorlyqqa qarsy kúres birneshe jyldan beri júrgizilip kele jatqany belgili. Osy ýaqyt ishinde zańdar, memlekettik baǵdarlamalar qabyldandy, quqyq qorǵaý júıesiniń reformalary júzege asyryldy. Sybaılas jemqorlyq ekonomıkanyń damýy men jańǵyrtylýyn tejeıdi. Eń bastysy, qoǵamdaǵy qaýipti týdyrady – adamdardyń zań ústemdigi men ádilettilikke degen senimi joǵalady. Sybaılas jemqorlyqqa qarsy kúres quqyq qorǵaý júıesi úshin ǵana emes, búkil qoǵam úshin de mindet bolyp tabylady. Sebebi, keri baılanyssyz osy salada qandaı da bir jetistikter múmkin emes. Ózderińiz biletindeı, sybaılas jemqorlyqqa qarsy kúresti kúsheıtý Memleket basshysy Joldaýynyń basty baǵyttarynyń biri bolyp tabylady»,- dedi ol. Sondaı-aq, Prezıdenttiń sybaılas jemqorlyqqa qarsy reformalarynyń mańyzdy bastamalaryna qysqasha toqtalyp ótti.

Odan ári qatysýshylar aldaǵy osy baǵyttaǵy nátıjeli jumys týraly óz oılarymen bólisti. Kezdesýge qatysýshylar bilim jáne ǵylym júıesin damytý, otbasylyq-demografııalyq jaǵdaıdy jaqsartý, ShOB qoldaý, ekologııany jaqsartý, turǵyn úı saıasatyn iske asyrý boıynsha baǵdarlar men qoıylǵan mindetterdi egjeı-tegjeıli talqylady.

Jyl saıynǵy Joldaýlarda sybaılas jemqorlyqqa qarsy kúres sharalaryna árqashan erekshe mán beriledi. Oblystyq Qazaqstan halqy Assambleıasynyń Ǵylymı-saraptama tobynyń jetekshisi, Qaraǵandy evreı etnomádenı birlestiginiń tóraǵasy, medıtsına ǵylymdarynyń doktory Vılen Molotov-Lýchanskııdiń sózi boıynsha Qasym-Jomart Toqaev saılaýaldy baǵdarlamadan bastap sybaılas jemqorlyqqa qarsy qyzmetti kúsheıtý máselelerin kóterip keledi. Sybaılas jemqorlyq áli de ózekti taqyryptardyń biri bolyp tabylady. Sondaı-aq, Vılen Borısovıch Prezıdenttiń qoǵamdyq baqylaý ınstıtýtyn kúsheıtý jónindegi alǵa qoıǵan mindetteriniń mańyzdylyǵyn atap ótti.

Qaraǵandy medıtsına ýnıversıtetiniń komplaens-ofıtseri, «Dakııa» Rýmyn mádenı qoǵamy birlestigi jastar qanatynyń jetekshisi Aleksandr Ýrmashov daryndy tulǵalardy, ásirese jastar arasynda qoldaý boıynsha jańa ıdeıalardyń mańyzyna toqtaldy.


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT