+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qaraǵandyda jas kásipkerlerge arnalǵan semınar ótti

2020 jylǵy 16 shilde 19:29
Bólisińiz:
Qaraǵandyda jas kásipkerlerge arnalǵan semınar ótti

QARAǴANDY. QazAqparat – Qaraǵandyda jas kásipkerler úshin onlaın-oqytý semınary uıymdastyryldy, dep habarlaıdy QazAqparat tilshisi.

Uqsas jańalyqtar

Oblys ákiminiń orynbasary Abzal Núkenovtiń tóraǵalyǵymen ótken onlaın-semınarǵa bıznes-jattyqtyrýshylar, jastar resýrstyq ortalyqtarynyń dırektorlary men jas kásipkerler qatysty.

Óz sózinde Abzal Núkenov jastardy bıznesti qoldaý úshin bólinetin granttar baıqaýyna qatysýǵa belsendilik tanytýǵa shaqyrdy.

«Jas kásipkerlerdiń ıdeıalary kóp. Bizdiń óńirde 10 jyldan astam ýaqyt boıy jastar kásipkerligine erekshe kóńil bólinýde. Osy ýaqyt aralyǵynda óńirdegi 188 jas adam 53,5 mln teńge kóleminde aqshalaı grant aldy. Belsendi jastar oblys ákiminiń grantyn alyp, óz jumysyn tabysty jalǵastyrýda. Ótken jyldan bastap jas kásipker úshin árbir granttyń mólsheri eki eselendi. Al osydan bastap olardyń sany 10 ese ósti. Granttardy taǵaıyndaý úshin konkýrstar jarııalandy», - dedi bıznestiń jas ókilderine Abzal Núkenov.

Semınardyń uıymdastyrýshylary atap ótkendeı, bıylǵy jyldan bastap baıqaýǵa qala turǵyndary da qatysa alady. Buryn granttardy aýyl jastary ǵana alǵan bolatyn.

«Bul joba jańa bıznestiń ashylýyn jáne jumys istep turǵan bıznesti damytýdy qoldaýǵa arnalǵan. Jas kásipkerler bastaǵan qyzmetterdiń negizgi baǵyttary - mal sharýashylyǵyn, qus sharýashylyǵyn, jylyjaı isin, kondıterlik jáne nan-toqash ónimderin uıymdastyrý jáne óndirý, tehnıkalyq qyzmet stantsııasy t.b. bolyp tabylady.

Oblys ákiminiń tapsyrmasy boıynsha bıylǵy jyly jobalarǵa bólingen soma 10 mln-nan 100 mln-ǵa deıin ulǵaıtylady. Granttar 100 jobaǵa árqaısysyna bir mıllıon teńgeden bólinetin bolady», - dedi Qaraǵandy oblysynyń jastar saıasaty máseleleri basqarmasynyń basshysy Nurjan Jetpisbaev.

Semınar aıasynda trenerler jobaǵa qatysý úshin ótinimderdi qurastyrý, bıznes-jobalardy jazý jáne esepteý boıynsha sheberlik sabaqtaryn ótkizdi.

Alǵashqy 50 grantqa ótinishter qabyldaý 10 shildede bastalyp, 10 tamyzǵa deıin jalǵasady. Qalǵan 50 ótinim 10 tamyzdan bastap qabyldanady.

Jalpy baıqaý qazan aıynyń sońynda aıaqtalady.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT