+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Qaraǵandyda jańa týǵan nárestege kúrdeli ota jasaldy

2019 jylǵy 11 qazan 16:30
Bólisińiz:
Qaraǵandyda jańa týǵan nárestege kúrdeli ota jasaldy

QARAǴANDY. QazAqparat – Qaraǵandylyq dárigerler jańa týǵan nárestege dúnıege kelgennen keıin úsh kúnnen soń kúrdeli ota jasady. Balada ishek patologııasy anyqtalyp, oǵan shuǵyl túrde ota jasaý qajet boldy, dep habarlaıdy QazAqparat tilshisi.

Uqsas jańalyqtar
MÁMS júıesi engizilse, aýylda barlyq medıtsınalyq qyzmetter qoljetimdi bolady Túrkistan oblysynda ınsýlt alǵan áıelder ońaltýdan aqysyz ótedi Atyraý dárigerleri qant dıabetinen saqtanýdyń joldaryn aıtty

Bul Álııa Ońdasynovanyń úshinshi balasy. Júktilik kezinde, 24-shi aptada dárigerler oǵan uryqta patologııa baryn málimdegen. Oblystyq perınataldyq ortalyqta ishtegi balanyń derti anyqtalǵannan keıin birden dárigerler konsılıýmy ótkizildi. Beıindik mamannyń qorytyndysy negizinde Álııany Nur-Sultan qalasynda bosandyrý usynyldy. Kelinshek 6-shy qyrkúıekte kvota alýy tıis bolatyn, alaıda bul kúni sýy ketip, perzenthanaǵa barýǵa týra kelgen. Júktiliktiń 37-shi aptasynda salmaǵy 3188 gr jáne boıy 51 sm ul balany dúnıege alyp keldi. Náresteniń jaǵdaıy qanaǵattanarlyq boldy. Degenmen, mamandar balada ishek ótpeýshiliginiń klınıkalyq belgilerin anyqtaǵan. Dárigerlerdiń tekserisinen keıin jáne dıagnoz anyqtalǵan soń 9 qyrkúıekte saǵat 10:30-da Qaraǵandy qalasynyń Oblystyq balalar klınıkalyq aýrýhanasynda mamandar brıgadasy nárestege ota jasady.

«Úsh kún aralyǵynda biz balany tekserdik jáne operatsııaǵa daıyndadyq. Balaǵa jińishke ishektiń atrezııasy damýynyń týa bitken aqaýy degen dıagnozy qoıyldy. Mundaı patologııa óte sırek kezdesedi, 6-7 myń náresteniń ishinde bir ǵana jaǵdaı bolýy múmkin. Operatsııa sátti ótti. Ol bir saǵattan astam ýaqytqa sozyldy. Operatsııadan keıin biz balanyń ońalyp ketýi 80 paıyzdyq kórsetkishke saı degen boljam jasadyq», - deıdi Oblystyq balalar klınıkalyq aýrýhanasynyń hırýrgi Janat Elýbaev.


Otadan keıingi kezeńde bala oblystyq perınataldyq ortalyqtyń jańa týǵan náresteleriniń ıntensıvti terapııa jáne jan saqtaý bóliminde boldy. Náreste ortalyqtyń neonatolog dárigerleri kútip, emdedi. 12 táýlikten keıin shaqalaq enteraldy qabyldaý arqyly ana sútimen tamaqtanýdy bastady. Al 20 táýlikten bastap óz betinshe dem aldy. 26 kúni ol OPO jańa týǵan nárestelerdiń patologııa bólimine, ana men bala birge bolatyn palatasyna aýystyryldy.

«Men júkti bolǵan kezde, sońǵy úsh aılyqta ishimdegi sábıde patologııasy bar ekenin estigenimde qatty ýaıymdadym. Qorqynysh sezimi de boldy. Óte aýyr boldy. Ol áli sondaı kishkentaı, sonda da oǵan tezirek ota jasaý kerek degende júregim aýyrdy. Úsh kúnnen keıin oǵan operatsııa jasaldy. Barlyǵy sátti ótti. Bul dárigerlerdiń arqasynda. Men olarǵa úlken alǵysymdy aıtamyn», - deıdi sábıdiń anasy Álııa Ońdasynova.

Balaǵa ata-anasy Jańabergen degen esim berdi. Ol 1 aıǵa tolǵanda, anasy ekeýin dárigerler úıine shyǵardy. Álııanyń aıtýynsha, qazir uly ózin jaqsy sezinedi, jaǵdaıy qalypty.

Aıta ketý kerek, eki jyl ishinde qaraǵandylyq dárigerler osy sekildi 4 ota jasaǵan. Qazir sol balalardyń barlyǵy ózderin jaqsy sezinedi.


Bizdiń kanalymyzǵa jazylyńyz:

Basty sózder: Qaraǵandy oblysy, Medıtsına,
Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT