+7 (701) 759 90 19
USD 389.62 EUR 429.98
RUB 6.06 CNY 55.08
Jańalyqtar

Qaraǵandyda jańa týǵan náreste «jedel járdem» kóliginde shetinep ketti

2019 jylǵy 10 qazan 01:57
Bólisińiz:
Qaraǵandyda jańa týǵan náreste «jedel járdem» kóliginde shetinep ketti

QARAǴANDY. QazAqparat – Qaraǵandylyq dárigerler sábıdiń ómirin saqtap qala almady. Náreste óte aýyr halde dúnıege kelgendikten ony jasandy tynys alý apparatyna qosý qajet bolǵan. Alaıda balany oblystyq perınataldyq ortalyqqa tasymaldaý kezinde ol shetinep ketti, dep habarlaıdy QazAqparat tilshisi.

Uqsas jańalyqtar
Qaraǵandyda 3 jasar balany óltirgen kúdiktige el aýmaǵynda izdeý jarııalandy

Balanyń ákesi aıtqandaı, onyń áıeli júktilik kezinde barlyq medıtsınalyq saraptamalardy der kezinde tapsyryp otyrǵan jáne de olardyń qorytyndysy jaqsy bolǵan. Júkti áıel 26 qyrkúıekte aýrýhanaǵa túsken. Alaıda, birneshe kúnnen keıin dárigerler oǵan bosanýǵa áli erte dep, úıine qaıtarǵan. Bir aptadan keıin ol qaıtadan perzenthanaǵa jatqan. Dárigerler qarap shyqqan soń, eger tolǵaq bolmasa, arnaıy dári egetinin aıtqan. Birneshe kúnnen keıin jas kelinshekke tolǵaq shaqyratyn dári salynǵan.

«Úshinshi túni jubaıymnyń sýy ketti. Ol sol kezde perzenthanada bolǵan, - deıdi balanyń ákesi Ulan Nurpeıisov. - Tańerteń, saǵat 8-de oǵan kesir tiligi jasaldy. Alaıda bizge balany kórsetpedi, birden alyp ketti. Balamyzdyń ókpesinde suıyqtyq bolǵany anyqtaldy. «Ol aýyr halde bolǵandyqtan, ony jasandy tynys alý apparatyna qosý kerek», - dedi. Bizge balany Mıhaılov shaǵyn aýdanyndaǵy oblystyq perınataldyq ortalyqqa aýystyrýdy usyndy, sebebi Prıshahtınskide jasandy tynys alý apparaty jumys istemeıdi dedi. Alaıda keshe men Prıshahtınsk perzenthanasynda bul týraly qaıtadan suraǵanymda apparat jumys isteıdi dep jaýap berdi. Meniń áıelim keshe tańǵy saǵat 8-de bosandy, biz balanyń tasymaldaýyn kúndizgi 4-ke deıin kúttik. Sodan keıin bizge balamyz jolda qaıtys boldy dep habarlady...».

Qaraǵandy oblysynyń Densaýlyq saqtaý basqarmalarynda bul jaǵdaıǵa kelesideı túsinikteme berdi: «Týý kezindegi balanyń jaǵdaıy óte aýyr boldy. Ana balaǵa júktilik kezinde eki ret bermıdı vırýstyq ınfektsııasymen aýyrǵan. Ana men balaǵa medıtsınalyq kómek densaýlyq saqtaý mınıstrliginiń bekitken dıagnostıka jáne emdeý hattamalaryna saı júrgizildi. Ókpeni jasandy jeldetý apparaty basqa patsıentterdi emdeýge qatystyrylǵandyqtan, balany mamandandyrylǵan kólikte oblystyq perınataldyq ortalyqqa aýystyrý týraly sheshim qabyldandy. Qazirgi ýaqytta densaýlyq saqtaý basqarmasy qyzmettik tekserý júrgizýde. Onyń nátıjeleri keıinirek jarııalanady».

Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT