+7 (701) 759 90 19
USD 399.51 EUR 447.33
RUB 5.78 CNY 56.10
Jańalyqtar

Qaraǵandyda turǵyn úıdiń podezin nege jaýyp tastady - Jeńis Qasymbek jaýap berdi

2020 jylǵy 30 naýryz 21:34
Bólisińiz:
Qaraǵandyda turǵyn úıdiń podezin nege jaýyp tastady - Jeńis Qasymbek jaýap berdi

QARAǴANDY. QazAqparat - Komendanttyq saǵat engizilýi múmkin be? Koronavırýs Qaraǵandy oblysynyń aýmaǵyna qaıdan keldi? Osy jáne ózge de suraqtarǵa aımaq basshysy Jeńis Qasymbek jergilikti telearnanyń stýdııasynda tikeleı efırde jaýap berdi, dep habarlaıdy QazAqparat tilshisi.

Oblysta koronavırýs ınfektsııasymen aýyrǵandar sany 13 adamǵa jetti. 30 naýryzda zerthanalyq tásilmen taǵy 6 oqıǵa rastaldy. Olardyń barlyǵy - 18 naýryzda Mınsk – Nur-Sultan reısimen Qaraǵandyǵa ushyp kelgen stýdentter. Arnaıy reıstiń barlyq jolaýshysy dereý karantınge jatqyzyldy. Patsıentterdiń jaǵdaıyn dárigerler qanaǵattanarlyq dep baǵalady.

Oblysta barlyǵy 592 adam táýlik boıy dárigerlerdiń baqylaýynda, taǵy 514 adam úıinde oqshaýlanǵan.

- Qaraǵandy oblysynyń bas sanıtar dárigeriniń qaýlysymen búginnen bastap Qaraǵandy, Saran, Shahtınsk, Abaı jáne Temirtaý qalalarynda jekelegen shekteý sharalary bar karantın rejımi engizildi. Al 2 sáýir kúni saǵat 00.00-den bastap adamdardyń joǵaryda atap ketken qalalardyń karantın aımaǵyna kirip-shyǵýyna tyıym salynady. Avto jáne temirjol vokzaldarynyń, áýejaıdyń jáne qoǵamdyq kóliktiń jumysyn shekteý, karantındik aımaqty tolyq qorshaý kezinde turǵyndar aldyn ala habardar etiledi, - dep habarlady oblys ákimi.

- Karantın nátıjesinde komendanttyq saǵat engizilýi múmkin be?

- Mundaı másele qarastyrylyp jatqan joq.

- Adamdar nesıe merzimin keıinge qaldyrý jáne karantın kezinde bankomattardy toltyrý jóninde kóp suraq qoıady.

- Durys suraq. Oblysta jumys isteıtin ekinshi deńgeıdegi bankterdiń barlyq fılıaldary osy máselemen aınalysýda. Bul jumystardy Ulttyq bank baqylaýda. Biz, jergilikti bılik te óz tarapymyzdan ony qadaǵalaımyz. Karantın kezeńinde ósimaqy, aıyppul jáne buryn berilgen nesıeler boıynsha negizgi qaryz boıynsha barlyq tólemderdi keıinge qaldyrý josparlanýda. Bankomattardyń tolyqtyrylýyna qatysty Ulttyq bank qolma-qol aqshanyń tapshylyǵy bolmaıtynyna kepildik beredi.

- Qaraǵandy seriktes qalalarmen tyǵyz baılanysta. Múmkin, bir úlken karantındik aımaq qurý kerek shyǵar?

- Biz de dál osyny aıtyp otyrmyz. Nelikten bes qalany karantın aımaǵyna kirgizdik?! Taǵy da qaıtalaımyn. 2 sáýirden bastap bes qala - Qaraǵandy, Temirtaý, Saran, Shahtınsk, Abaı shaharlary jabylady. Osy qalalardyń arasynda úlken eńbek kóshi-qonyn eskere otyryp, jol júrýge ruqsat etiledi.

- Koronavırýs qaıdan keldi?

– Juqtyrǵandar ishinde 10 adam – «Mınsk-Nur-Sultan» avıareısimen kelgen jolaýshylar. Úsh adam jergilikti turǵyndar.

Basqa arnaıy reısterdi Qaraǵandyǵa qabyldaý josparlanyp otyrǵan joq.

- Karantın kezinde qansha kásiporyn jumys istemeıdi?

- Bizdiń oblysta 80 myńnan astam shaǵyn jáne orta bıznes kásiporny bar. Árıne, olardyń kópshiligi shekteý sharalaryn qabyldaıdy.

- Bılik «ArselorMıttal Temirtaý» jáne basqa da óndiristik kásiporyndardyń qyzmetkerlerin aqysyz demalysqa jibermeýge kepildik bere ala ma?

- Bul másele boıynsha búgin biz iri kásiporyndardyń basshylarymen kezdestik. Karantın kezeńinde jumys oryndary men jalaqy saqtalady dep kelisti. «ArselorMıttal Temirtaýmen» memorandýmǵa ázirshe qol qoıylǵan joq. Kelisim talqylanýda. Degenmen kompanııa Úkimetke bul týraly rastama jibergen.

- «ArselorMıttal Temirtaýdyń» merdiger uıymdary boıynsha aıtyp berseńiz.

- Jalpy, álemdik ekonomıkalyq jaǵdaı osyndaı. Bizdiń negizgi eksporttyq ónimderimizge, onyń ishinde AMT óndiretin metaldarǵa baǵa tómendedi. Suranys pen qunnyń tómendeýi óndiris kólemine áser etedi. Qazir kompanııa negizgi kapıtalǵa salýdy josparlaǵan aqshany óndiristi qoldaýǵa, jalaqy jáne basqa da tólemderdi óteýge baǵyttaıdy.

- Turaqtandyrý qory men baǵa boıynsha jaǵdaıdy túsindirseńiz.

- Keıbir shaǵyn satý núkteleri baǵany negizsiz kótere bastady. Muny qatań qadaǵalaımyz. Qant pen qaraqumyqtyń baǵasy óndirýshiler tarapynan ósirildi. Baǵany ustap turý úshin turaqtandyrý qorynan ınterventsııalar júrgizemiz. Mundaı jumysty barlyq áleýmettik mańyzy bar taýarlar boıynsha júrgizemiz. Ondaı taýarlardyn sany 19.

- Karantınge alynǵan kópqabatty úıdiń kireberisin qulyptaý qanshalyqty zańǵa saı?

- Sol kezde birneshe adam úıden shyǵyp, karantın rejımin buzǵysy kelgen. Aýdan ákimdigi men PIK basshylyǵy olaı istemeýi kerek edi. Olarǵa qulypty alyp tastaýǵa tıisti tapsyrma berildi. Bolashaqta bul qaıtalanbaıdy.

Onda polıtsııa qyzmetkerleri kezekshilik etedi. Turǵyndar táýligine eki ret medıtsınalyq baqylaýdan ótedi. Barlyq talaptar men erejeler oryndalady.

Sońynda ákim halyqqa úndeý tastady:

- Tynyshtyq jáne belgilengen karantın rejımin saqtaýdy suraımyn. Bul erejelerdi qanshalyqty qatań ustansaq, úırenshikti jáne qalypty ómirimizge qaıta oralýymyz soǵan baılanysty. Jaýapty memlekettik organdar jaǵdaıdy baqylaýda ustaıdy, qajetti sharalar jedel túrde qabyldanýda.



Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT