+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Qaraǵandyda tek qana áıelder men balalarǵa arnalǵan emhana ashylady

2019 jylǵy 16 shilde 13:15
Bólisińiz:
Qaraǵandyda tek qana áıelder men balalarǵa arnalǵan emhana ashylady

QARAǴANDY. QazAqparat – Bıyl kúzde Qaraǵandyda áıelder men balalardy emdeıtin biregeı emhana ashylady. Jańa nysanda ázirge jóndeý jumystary júrip jatyr, alaıda medıtsınalyq mekemege qazirden bastap tirkele berýge bolady, dep habarlaıdy QazAqparat tilshisi

Áıelder konsýltatsııasy men balalar emhanasy bir ǵımaratta ornalasady. Jobany almatylyq ınvestorlar daıyndap, iske asyryp jatyr. Jańa medıtsınalyq mekeme Prıshahtınskidegi Lýnacharskıı kóshesi, 1 mekenjaıynda ornalasady. Ol jerde bir kezderi balalar emhanasy bolǵan. Ǵımaratqa barlyq qajetti tehnıkalyq saraptamalar jasaldy jáne kóktemnen bastap munda jóndeý jumystary júrip jatyr.

Jańa emhana 18 jasqa deıingi balalar men reprodýktıvti jastaǵy (18-49 jas aralyǵyndaǵy) áıelderdi qabyldaıdy. Investorlardyń aıtýynsha, olar osy sanattaǵy naýqastardy balalar men eresekter ózara aralaspaý úshin ádeıi tańdaǵan.

«Bizde joǵary sanatty mamandar jumys isteıtin bolady. Olar - balalar dárigeri, terapevter, tis dárigerleri, lor-dárigerler, okýlıster, hırýrgtar, nevropatologtar men gınekologtar jánebasqalar. Olar qatań irikteýden ótti»,- deıdi emhana dırektory Marına Matveıchýk.

Emhanada ornatylatyn jabdyqtar barlyq medıtsınalyq talaptarǵa saı. Ol zamanaýı lor-qurylǵysy, fızıoterapevtıkalyq kombaın, sarapshy sanatyndaǵy ÝDZ.

«Bizge osyndaı usynyspen ınvestorlar ótken jyly shyqqan bolatyn. Biz óz tarapymyzdan áıelder konsýltatsııasy men balalar emhanasynyń ashylýyn qoldap, MJÁ aıasynda kelisim jasadyq. Memlekettik tapsyrys boıynsha halyqqa kórsetiletin barlyq qyzmetter tegin bolady», - dep habarlady Qaraǵandy oblysynyń densaýlyq saqtaý basqarmasynda.




Emhana 3 aýysym boıynsha jumys isteıdi: tańǵy 8-den keshki 8-ge deıin. Bir aýysymda 300 naýqasty qabyldaıdy dep kózdelip otyr. Emhananyń ashylýy jazdyń sońyna josparlanǵan, alaıda tirkelý qazirden bastap júrgizilýde. Medıtsınalyq mekeme aýlasynda shatyr ornatylǵan, onda qujattar qabyldanady. Tirkelý úshin jeke kýálik pen balanyń týý týraly kýáligin alyp kelý kerek. Sonymen qatar, kelesi aptadan bastap qujattardy 22-shi shaǵynaýdandaǵy «Korzına» sýpermarketinde de tapsyrýǵa bolady.

Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT