Jańalyqtar  >

Qaraǵandyda sýǵa batqan kólikten adamdardy qutqarǵan eki adamǵa 5 mln teńgeden berildi

2022 jylǵy 30 qarasha, 18:31
Qaraǵandyda sýǵa batqan kólikten adamdardy qutqarǵan eki adamǵa 5 mln teńgeden berildi

QARAǴANDY. QazAqparat – Qaraǵandy oblysynyń ákimi m.a. Jeńis Qasymbek sýǵa batqan kólikten júkti áıel men balalardy qutqarǵan eki qaraǵandylyqqa 5 mln teńgeden berdi, dep habarlaıdy QazAqparat tilshisi.

Bul týraly ákim óziniń jelidegi paraqshasynda jazdy.

«Bizdiń jerlesterimiz Orazaly Asylhanov pen Dýman Kákenov eki áıel men eki balany qutqaryp, olarǵa alǵashqy medıtsınalyq kómekti kórsetip, kásibı deńgeıde áreket etti. Buqar jyraý aýdanynyń turǵyny Dýman Kákenov sýǵa batyp bara jatqan kólikti kórip, osy kóliktiń jolaýshysy bolǵan Orazalyǵa jolaýshylardy qutqarýǵa baǵyttalǵan alǵashqy sharalardy iske asyrýǵa qolushyn berdi. Jedel qabyldanǵan sharalardyń arqasynda jerlesterimiz qaıǵyly jaǵdaıǵa jol bermedi. Soǵan baılanysty Dýman Kákenov pen Orazaly Asylhanovty árqaısysyn 5 mln teńge kólemindegi syıaqymen kótermeleý týraly sheshim qabyldadym. Sonymen qatar Orazalyny jumysqa ornalastyrýǵa járdem kórsetemiz. Buǵan qosa, Qaraǵandy oblysynyń TJD bul jigitterdi marapattaýǵa usynatyn bolady», - dep jazdy Jeńis Qasymbek.

Esterińizge sala keteıik, Qaraǵandy oblysynda jolaýshylary bar kólik muz astyna túsip ketken. Avtokólik salonynda eki áıel men eki sábı boldy.


Foto: facebook.com/Jenis Qasymbek

Tegı:
Seriktester jańalyqtary

Jańalyqtar