+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Qaraǵandyda shatyrdan sekirmek bolǵan kelinshekti qutqarǵan polıtseılerge syıaqy berildi

2019 jylǵy 12 qarasha 13:38
Bólisińiz:
Qaraǵandyda shatyrdan sekirmek bolǵan kelinshekti qutqarǵan polıtseılerge syıaqy berildi

QARAǴANDY. QazAqparat – Búgin Qaraǵandy oblysynyń bas polıtseıi Erlan Faızýllın jeke qurammen ótkizgen jedel keńes barysynda kópqabatty úıdiń shatyrynan sekirip ólmek bolǵan kelinshekti qutqarǵan eki polıtseıge 500 myń teńge kóleminde aqshalaı syılyq tabys etti, dep habarlaıdy QazAqparat.

Uqsas jańalyqtar
Qarashada tótenshe jaǵdaıǵa tap bolǵan 533 adam qutqaryldy Qaraǵandy polıtseıleri 9-qabattan sekirmek bolǵan kelinshekti qutqardy Atyraýlyq Asylbek Bekimov júzdegen jandy tilsiz jaýdan aman alyp qalǵan

«Sizder atqarǵan is - tek Qaraǵandy qalasynyń ǵana emes, búkil el turǵyndarynyń rızashylyǵyna bólenip, alǵys aıtýǵa laıyqty is. Óz kásibı qyzmetimizge baılanysty biz kún saıyn túrli keleńsiz jaǵdaılarǵa tap bolamyz, biraq sizderdiń áreketińiz - naǵyz erlik, sondyqtan biz sizderdi maqtan tutamyz. Sanaýly sekýndta durys sheshim qabyldap, kelinshekti ajaldan qutqardyńyzdar. Sizderdiń erlikterińiz úshin úlken rahmet», – dedi Qaraǵandy oblysy polıtsııa departamentiniń bastyǵy Erlan Faızýllın.


Bekzat Omashevtiń jáne Erasyl Murattyń batyl jáne saýatty áreketiniń arqasynda adam aman qaldy. Qyzmettik boryshyn oryndaý jáne adam ómirin qutqarý kezinde kórsetken batyldyǵy men qaısarlyǵy úshin polıtseıler úkimettik marapatqa usynyldy.

Kelinshekti qutqarýǵa Qaraǵandy turǵyny Aınabekova Natalıa ıÝrevnanyń da qosqan úlesi zor boldy. Ol balkonnyń shetinde adam turǵanyn kórip, dereý polıtsııaǵa qońyraý shalǵan.


«Siz bul jaǵdaıda jedel áreket jasadyńyz jáne azamattyq paryzyńyzdy oryndap, polıtsııany der kezinde shaqyrdyńyz. Ol úshin men sizge polıtsııa departamentiniń basshylyǵy jáne barlyq jeke quramnyń atynan alǵys aıtamyn», - dedi Erlan Faızýllın.

Departament basshysy Natalıa ıÝrevnaǵa ІІM belgisi bar qolsaǵat pen smartfon tabys etti.

«Bul telefonǵa tek ómirińizdiń baqytty sátterin ǵana túsirińiz», - dep atap ótti polıtsııa polkovnıgi.


Esterińizge sala keteıik, 8 qarasha kúni patrýl polıtsııasynyń eki qyzmetkeri ózine qol jumsamaq bolǵan qaraǵandylyq kelinshekti qutqarǵan bolatyn.

Bizdiń kanalymyzǵa jazylyńyz:

Basty sózder: Qaraǵandy oblysy, Oqıǵa,
Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT