Qaraǵandyda saqshy ıt esirtkige qatysty 3 qylmysty ashýǵa kómektesti
2022 jylǵy 30 maýsym 02:30

Qaraǵandyda saqshy ıt esirtkige qatysty 3 qylmysty ashýǵa kómektesti

QARAǴANDY. QazAqparat – Qaraǵandyda úsh jasar saqshy ıt esirtkige qatysty úsh qylmysty ashýǵa kómektesti, dep habarlaıdy QazAqparat tilshisi.

Qaraǵandy qalasynyń Ulttyq ulany 5451 áskerı bóliminde Mıra atty esirtki izdegish saqshy ıt qyzmet etýde. Labrador retrıvet tuqymdy ıt 2019 jyly Petropavl qalasyndaǵy «Aq-Bars» janýarlardy baǵý klýbynan aldyrylǵan.

Óziniń qyzmet etken 3 jylynda Mıra oqý-jattyǵýlar men jaýyngerlik qyzmette únemi alǵyrǵyrlyq kórsetip keledi.

«Men ony kúshik kezinen alǵan bolatynmyn. Úlken ıt kezinen alǵannan góri, kishkentaıynan jattyqtyrǵan áldeqaıda tıimdi. Árqashan qyzmet barysynda qasymda bolǵandyqtan, eń jaqyn dosymdaı bolyp ketti. Kóptegen jerde kómek kórsetip, eshqashan uıatqa qaldyrmady», - deıdi kınolog maman, efreıtor Muhamet Salyqov.

Aıta ketelik, Mıranyń arqasynda birtalaı qylmys áshkerelenip, kóptegen quqyq buzýshylar polıtsııa ýchaskelerine jetkizildi. Jyl basynan beri ol esirtkige qatysty 10 qylmysty ashýǵa kómektestken. 11 shilde kúni tórt aıaqty qyzmetker kınolog mamandardyń jarysyna Qaraǵandy qalasynan qatysady.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT