+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Qaraǵandyda Sáken Seıfýllınniń mereıtoıyna óner juldyzdary qatysty

2019 jylǵy 21 qyrkúıek 11:35
Bólisińiz:
Qaraǵandyda Sáken Seıfýllınniń mereıtoıyna óner juldyzdary qatysty

QARAǴANDY. QazAqparat - Sáken Seıfýllınniń 125 jyldyǵyna arnalǵan saltanatty sharalar ortalyq saıabaqtaǵy alańda ashyq aspan astynda ótken kontsertpen aıaqtaldy, dep habarlaıdy QazAqparat.

Jetekshi jergilikti ujymdarmen birge qazaqstandyq estrada juldyzdary, atap aıtsaq Altynaı Jorabaeva, Mádına Sádýaqasova, Baýyrjan Isaev, «Asyl» aspaptyq trıosy óner kórsetti. Qatysýshylar Sáken shyǵarmalaryn oryndady.

Kontsert Qaraǵandy oblysynyń ákimdigi men NurOtan partııasynyń qoldaýymen uıymdastyryldy.

Qaraǵandy oblysy ákiminiń orynbasary Abzal Núkenov Sáken Seıfýllınniń mereıtoıy óńirimizde keń kólemde atap ótilip jatqanyn tilge tıek etti.

«Jaqynda oblys ortalyǵynda halyqaralyq aıtys aıaqtaldy. Jas aqyndar men jazýshylardyń respýblıkalyq forýmy ótti. Sáken Seıfýllınniń týǵan jeri-Jańaarqa aýdanynda ulttyq sýsynymyz qymyzdy búkil álemge pash etti. Kóptegen konferentsııalar, kezdesýler ótti, onda «Rýhanı jańǵyrý» jáne halyq mádenıetin damytý máseleleri talqylandy. Bizdiń jastarymyz laıyqty úlgi bolatyn ulttyq batyrlarymyzdy bilýi tıis. Qıyn kezeńde Sáken aǵa qazaq halqy úshin kóp nárse jasady. Ol sekildi alyp tulǵalarymyz az emes edi. Biz barlyǵymyz úsh Báıteregimiz: Іlııas Jansúgirov, Beıimbet Maılın jáne Sáken Seıfýllındi bilemiz. Osy bir ǵulama babalarymyz beker qurban bolǵan joq – olardan keıin elimiz ben halqymyz táýelsizdik aldy. Azamattyq erlikteri týraly estelik pen alǵys urpaqtan, urpaqqa berilip, olardy saqtaýymyz kerek, - dep atap ótti Abzal Núkenov.

Kontsert Sáken Seıfýllınniń «Taý ishinde» ánimen ashyldy. Ony qazaqstandyq estrada juldyzdary, QR eńbek sińirgen qaıratkerleri Baýyrjan Isaev pen Altynaı Jorabaeva oryndady. Qazaqstannyń eńbek sińirgen óner qaıratkeri Bolat Ábdilmanov Sákenniń «Aqqýdan aıyrylǵanda» poemasyn oqyp, osy kezde bı ujymdary tamasha horeografııalyq qoıylym jasady.

Rejısserdiń aıtýynsha, kontserttik baǵdarlama birneshe aı boıy daıyndaldy.

Jyl basynda Sáken Seıfýllınniń mereıtoıyn atap ótý týraly jarııalaǵanda jobanyń ıdeıasy dúnıege kelgen. Birneshe is-sharalar onyń týǵan jerinde, teatrlarda ótti. Maýsym aıynda kontsert baǵdarlamasy bekitildi jáne biz jumysty bastadyq. Kórermender jańa ánderdi tyńdady.

«Shyǵarmalar orkestrdiń súıemeldeýimen oryndaldy. Fon sapasy boıynsha baǵdarlama boıy sahnanyń búıirlik qabattarynda statıkalyq horeografııalyq kompozıtsııa oryndaldy», - dedi Bolat Ábdilmanov.

Kontserttik qoıylymǵa Táttimbet atyndaǵy Qazaq akademııalyq orkestri qatysty, folklorlyq ansamblder, qaraǵandylyq teatrlardyń tanymal jergilikti ánshileri men akterleri óner kórsetti.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT