+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Qaraǵandyda rámizder kúni ótken sharalarǵa 10 myńnan astam adam qatysty

2020 jylǵy 4 maýsym 20:11
Bólisińiz:
Qaraǵandyda rámizder kúni ótken sharalarǵa 10 myńnan astam adam qatysty

QARAǴANDY. QazAqparat - Qaraǵandy oblysynda QR Memlekettik rámizderi kúnine oraı uıymdastyrylǵan sharalarǵa 10 myńnan astam adam qatysty, dep habarlaıdy QazAqparat tilshisi.

QR Memlekettik rámizderi kúni - bul ár azamat úshin qasıetti kún. Tý, Ánuran jáne Eltańba halyqtyń táýelsizdigi men erkindigin bildiredi. Bıylǵy jyly aýqymdy aktsııalar karantınge baılanysty ótkizilmeıdi. Mereke formaty ózgerdi, biraq ol mánin joǵaltpaıdy.

Qaraǵandylyq sýpermarketterde QR Memlekettik rámizder kúnine arnalǵan patrıottyq aktsııalar ótti. Volonterler jalaýlar men kúntizbeler taratty. Dınamıkterden ulttyq mýzyka oınady. Memlekettik rámizderdiń qurylý tarıhy daýys zoraıtqysh arqyly aıtyldy.

Volonterler betperde jáne qolǵap kıip, baspaldaqpen sapqa turyp, memlekettik ánurandy oryndady. Sýpermarketke kelýshiler bul sharaǵa qurmetpen qarady. Saýdalaryn keıinge qaldyra otyryp, adamdar bir sát kidirip, elimizdiń basty ánin tapjylmaı turyp tyńdady. Keıbireýler tipti qosylyp shyrqady.


«Búgin memlekettik rámizderge 28 jyl toldy. Árıne, karantın jaǵdaıynda bul merekeni ádettegideı aýqymdy atap ótken joqpyz. Shekteýdi eskerý kerek. Biraq bul – árbir azamat úshin mańyzdy mereke. Biz memlekettik rámizderge qurmet kórsetemiz. Osy kúrdeli ýaqytta rýhymyzdy joǵaltyp, eńsemizdi túsirýge bolmaıdy. Kerisinshe, bir-birimizge kómektesý kerek. Biz birge koronavırýs pandemııasyn jeńemiz», - dep atap ótti Qaraǵandy oblysy Jastar resýrstyq ortalyǵy bóliminiń basshysy Álisher Samarbaev.


Erikti Aıda Qaıyrbekova Memlekettik rámizder kúnimen birge ol týǵan kúnin atap ótýde.

«Osyndaı aıtýly kúni dúnıege kelgenimdi maqtan tutamyn. Óz elimdi maqtan tutamyn. Bizge, jastarǵa, memleketimiz úlken múmkindik berdi. Men E. Bóketov atyndaǵy QarMÝ fılologııa fakýltetinde magıstratýrada oqımyn. Eki jyldan beri volonterlikpen aınalysamyn. Bolashaqta qazaq tili men ádebıeti muǵalimi retinde ulttyq qundylyqtar týraly bilip, aıta alýym kerek. Memlekettik rámizderdiń qalaı dúnıege kelgen zerttedim. Barlyǵy oılastyrylǵan jáne árbir bólshektiń máni bar. Mysaly, kók tús taza aspandy, beıbitshilik pen berekeni, al biryńǵaı fon - bizdiń elimizdiń birligin beıneleıdi. Búrkit jas memlekettiń shyńdarǵa umtylysyn, rýhtyń joǵary ekendigin kórsetedi», - deıdi patrıottyq aktsııaǵa qatysýshy.


Oblystyń barlyq qalalary men aýdandarynda 4 maýsymda bir ýaqytta Ánuran shyrqaldy. Aktsııany myńdaǵan uıym qoldady. Oǵan 10 myńnan astam adam qatysty.

Oblys ortalyǵynda avtoáýesqoılar qoǵamy Memlekettik rámizder kúnine oraı avtojarys uıymdastyrdy. Kók baıraq alǵan kólikter korteji qalanyń ortalyq kóshelerimen júrip ótti. Avtojarysqa qatysýshylar 91 metr bıiktikte jelbiregen Memlekettik Týy bar flagshtottyń janynda sherýin aıaqtady.

Memlekettik rámizder kúnin merekeleý áleýmettik jelide belsendi ótýde. Qaraǵandylyqtar paraqshalarynda tıisti heshtegi bar foto jáne beıne jarııalap jatyr.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT