+7 (701) 759 90 19
USD 377.09 EUR 407.37
RUB 5.93 CNY 53.95
Jańalyqtar

Qaraǵandyda prokýror 3 jasar balany óltirgen kúdiktini ómir boıyna sottaýdy surady

2020 jylǵy 20 qańtar 23:00
Bólisińiz:
Qaraǵandyda prokýror 3 jasar balany óltirgen kúdiktini ómir boıyna sottaýdy surady

QARAǴANDY. QazAqparat – Memlekettik aıyptaýshy 3 jasar balany aıaýsyz óltirgen Igentaı Sopyjanovty ómir boıy bas bostandyǵynan aıyrdy surady. Qaza tapqan sábıdiń anasy prokýrormen kelisip, dáleldemelerdi ádil qaraý jóninde alqabıge ótinish bildirdi, dep habarlaıdy QazAqparat tilshisi.

Búgin Qaraǵandyda 3 jasar balanyń ólimi týraly is boıynsha taraptar jaryssózi ótti. Memlekettik aıyptaýshynyń aıtýynsha, Igentaı Sopyjanov sábıdi óltirgende asa qatygezdik bildirgen. Prokýror sottalýshyny ómir boıy bas bostandyǵynan aıyryp, jazasyn qatań qaýipsizdik rejımindegi kolonııada óteýi kerektigin alǵa tartty.

Balanyń anasy, Nıka Vasıleva alqabılerden dáleldemelerdi ádil qarap, qatań úkim shyǵarýdy surady.

«Ol túrmede otyrýy kerek. Ol kinásin moıyndap, keshirim suraǵanyna qaramastan, meniń oıymsha, esh ókinbedi. Men onyń eshbir sózine senbeımin. Meniń balamdy óltirdi. Onyń ókinýi men keshirim sózderi shynaıy emes, ol sózderi maǵan balamdy qaıtarmaıdy», - dedi Nıka Vasıleva.

Esterińizge sala keteıik, sottalýshy Igentaı Sopyjanovqa Qylmystyq kodekstiń úsh baby boıynsha aıyp taǵylǵan: alyp qashý, adamdy tutqynǵa alý jáne jas balany óltirý.

Bul isti alqabıler soty qaraıdy. Sottalýshy mundaı sot formatyn ózi tańdaǵan bolatyn.

Esterińizge sala keteıik, 2019 jyldyń 8 qyrkúıeginde tańerteń úsh jasar Maksım Garıfýlınniń denesi Qaraǵandy oblysy Shet aýdany Burma aýylynyń shetinen tabyldy.

Balany urlaǵan jáne óltirdi degen kúdik sábıdiń anasynyń tanysy Igentaı Sopyjanovqa tústi. 3 jasar balanyń máıiti anyqtalǵannan keıin qylmyskerge el aýmaǵynda izdeý jarııalandy.

Qyrkúıektiń 8-nen 9-na qaraǵan túni Qaraǵandydaǵy temirjol vokzalynda balany óltirgen kúdikti ustaldy.

Osy is boıynsha úkim 21 qańtarda jarııalanady.

Bizdiń kanalymyzǵa jazylyńyz:

Basty sózder: Qaraǵandy oblysy, Sot, Zań,
Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT