+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Qaraǵandyda órt sóndirý-qutqarý sporty boıynsha álem chempıonatyna daıyndyq bastaldy

2019 jylǵy 22 qarasha 02:51
Bólisińiz:
Qaraǵandyda órt sóndirý-qutqarý sporty boıynsha álem chempıonatyna daıyndyq bastaldy

QARAǴANDY. QazAqparat - Qaraǵandyda 2020 jyly órt sóndirý-qutqarý sporty boıynsha álem chempıonaty 31 tamyzdan 6 qyrkúıekke deıin ótedi. Oǵan álemniń 20-dan astam elinen 400-den astam sportshy men delegattar qatysady, dep habarlaıdy QazAqparat tilshisi.

Uqsas jańalyqtar
Almatyda kúdik týdyrǵan jáshik úshin kóshelerdi jaýyp tastady SQO-da joldardyń boıynda 300-den astam jylynatyn oryndar bar Almaty oblysynyń tótenshe jaǵdaılar qyzmetkerleri túrli plakattarmen kóshege shyqty

Álemdik birinshilikke daıyndyq bastaldy. Uıymdastyrý máselelerin talqylaý úshin Qaraǵandyda Halyqaralyq sport federatsııasynyń órt sóndirýshiler men qutqarýshylar konferentsııasy uıymdastyryldy. Kezdesýge Avstrııa, Belarýs, Reseı, Latvııa, Senegal, Ózbekstan jáne t. b. 16 memlekettiń ókilderi keldi.


«Qazaqstan Reseı Federatsııasynan órt sóndirý-qutqarý sporty boıynsha álem chempıonatyn ótkizý estafetasyn qabyldaǵanyn bilesizder. Bıyl jarys Saratovta ótkizildi. Qaraǵandyda Álem chempıonatyn ótkizý týraly sheshim qabyldandy. Bul kezdeısoq emes. Munda sporttyq ınfraqurylym damyǵan. Kóptegen nysandar álemdik standarttarǵa jaýap beredi jáne bizge halyqaralyq jarystar ótkizýge múmkindik beredi», - dedi QR Іshki ister mınıstriniń orynbasary ıÝrıı Ilın.

Qaraǵandy oblysynyń ákimi Jeńis Qasymbek álemdik birinshiliktiń «Shahter» stadıonynda ótetinin habarlady. Alańdy halyqaralyq standarttarǵa tolyq keltirý úshin jóndeý jumystary josparlanyp otyr.


«Órt sóndirý-qutqarý sporty boıynsha álem chempıonatyna qatysýshylardy qabyldaý biz úshin úlken qurmet pen jaýapkershilik. Qaraǵandy oblysynyń halyqaralyq jarystardy ótkizý tájirıbesi bar. Biz 2020 jylǵy sporttyq shara joǵary deńgeıde ótip, tarıhqa iz qaldyrýy úshin bar kúsh-jigerimizdi jumsaımyz. Biz naqty is-sharalar josparyn bekittik. Daıyndyqpen aınalysatyn jumys toby quryldy. Men bul protsesti jeke baqylaımyn», - dep atap ótti aımaq basshysy.

Konferentsııaǵa qatysýshylardy Halyqaralyq órt sóndirýshiler men qutqarýshylar sport federatsııasynyń basshylary: prezıdent Aleksandr Chýprııan, atqarýshy komıtettiń dırektory Andreı Kalının qarsy aldy.

Halyqaralyq konferentsııa eki kúnge sozylady: 20-21 qarasha. Federatsııa 2019 jyldyń qorytyndysyn shyǵarady jáne kelesi jylǵa arnalǵan josparlardy kelisedi. Aldaǵy jarystardyń erejeleri bekitiledi.

Konferentsııaǵa qatysýshylar «Shahter» stadıonynyń ınfraqurylymymen tanysady.

Qaraǵandyda órt sóndirý-qutqarý sporty boıynsha erler arasyndaǵy XVI álem chempıonaty jáne áıelder arasyndaǵy VII álem chempıonaty ótedi. Baǵdarlama oqý munarasynyń 4-qabatynyń terezesine shabýyl satysymen kóterilý, kedergilerdiń 100 metrlik jolaǵyn eńserý, jaýyngerlik qanat jaıý jáne 4-ten 100 metrden órt sóndirý estafetasyn qamtıdy.

Qazaqstan ekinshi ret osy chempıonattyń ótkiziletin orny bolyp saılanady. 2014 jyly álem birinshiliginiń qatysýshylaryn Almaty qalasy qabyldady.

Órt-qoldanbaly sport 1937 jyly KSRO-da paıda boldy jáne keıin Eýropada tarady.





Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT