+7 (701) 759 90 19
USD 410.70 EUR 465.28
RUB 5.80 CNY 58.81
Jańalyqtar

Qaraǵandyda merdigerlermen qar tazalaý boıynsha úsh jyldyq kelisim jasalady

2020 jylǵy 12 aqpan 17:25
Bólisińiz:
Qaraǵandyda merdigerlermen qar tazalaý boıynsha úsh jyldyq kelisim jasalady

QARAǴANDY. QazAqparat – Qaraǵandy qalasynyń bılik ókilderi shahar kóshelerin qardan tazartý máselesine baılanysty qar jınaıtyn mashınalar satyp alyp, merdigerlermen úsh jyldyq kelisimshart jasaǵaly otyr, dep habarlaıdy QazAqparat tilshisi.

Óńir basshysy Jeńis Qasymbek Qaraǵandy qalasynyń ákimi, kommýnaldyq qyzmet jáne avtoparkter jetekshilerimen birlesip jınalys ótkizdi. Qaraǵandy ákimi Nurlan Áýbákirovtiń aıtýynsha, qalanyń basty kóshelerinde táýlik boıy qar tazalaý jumystary jalǵasýda.
Degenmen, jaıaý júrginshiler joldary men kólik júretin bólikterin tazalaý máselesi ózekti bolyp otyr. Onyń sebebi, tehnıka men personaldyń jetispeýi.

«Qaraǵandyda barlyǵy 982 shaqyrym avtomobıl joly bar. Qarjylandyrýdyń jetispeýshiligi saldarynan joldardyń barlyǵy derlik qamtylmaǵan. Jyl saıyn biz bul sandy kóbeıtemiz. Mysaly, 2016 jyly 451 shaqyrym joldy, al bıyl 571 shaqyrymyn tazarttyq. Shaǵyn kósheler, jeke sektorlar, aýla aralyq ótpe joldar qamtylmaǵan. Onda biz tek bir rettik tazalaý júrgizemiz, biraq bıylǵy jyly jaýyn-shashyn deńgeıin eskersek, bul óte az», - dedi Nurlan Áýbákirov.

Bul máseleni sheshý úshin ol «Mádenıet, demalys saıabaqtary men Qaraǵandy gúlzarlaryn basqarý» KMK qarajaty esebinen jańa qar jınaıtyn tehnıkany satyp alýdy usyndy. Jańa mashınalardy merdigerlerge jalǵa jáne senimdi basqarýǵa berýge bolady.

Sondaı-aq, qala ákiminiń pikirinshe, atalmysh jaǵdaıdy merdigerlermen úsh jyldyq kelisimsharttar ornatý arqyly túzetýge bolady. Bul kásiporyndarǵa qosymsha tehnıka satyp alý úshin bankterden iri aqshalaı qaryz alýǵa kómektesý jaǵyn qarastyrý kerek. Qazir sharttar tek bir jylǵa jasalady.

Jeńis Qasymbek osy usynys boıynsha bir apta ishinde naqty jospar ázirleýdi tapsyrdy. Oblys ákiminiń tapsyrmasy qolaısyz aýa raıy kezindegi qoǵamdyq kóliktiń jumysyna da qatysty boldy. Ol avtoparkterdiń jol polıtsııasy men meteorologııalyq qyzmettermen tyǵyz yntymaqtastyǵy qajet ekenin atap ótti.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT