+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Qaraǵandyda kópqabatty úıdiń bir bóligi karantınge jabyldy

2020 jylǵy 29 naýryz 19:06
Bólisińiz:
Qaraǵandyda kópqabatty úıdiń bir bóligi karantınge jabyldy

QARAǴANDY. QazAqparat - Qaraǵandyda kópqabatty turǵyn úıdiń bir kireberisi karantınge jabyldy. Ondaǵy páterlerge kúnine eki ret azyq-túlik jetkiziledi, dep habarlaıdy QazAqparat tilshisi.

Qaraǵandyda Ermekov kóshesindegi № 106/1 úıdiń kireberisine 14 kúndik karantın engizildi. Turǵyndarǵa dalaǵa shyǵýǵa shekteý qoıyldy. Olar turaqty medıtsınalyq baqylaýda bolady. Azyq-túlik pen birinshi qajettiliktegi taýarlardy turaqty jetkizý, sonymen qatar qoqys shyǵarý uıymdastyryldy.

«Turǵyndar arasynda COVID-2019 kúdigimen bir oqıǵa tirkelýine baılanysty Qaraǵandy qalasyndaǵy Ermekov kóshesi, 106/1 mekenjaıy boıynsha úıdiń kireberisine karantın engizildi. Páterler men kireberiske dezınfektsııa júrgizildi. Polıtsııa kúzet ornatty. Dárigerler turǵyndardyń densaýlyǵyn únemi qadaǵalap otyrady», - dep habarlady Qaraǵandy oblysynyń Taýarlar men kórsetiletin qyzmetterdiń sapasy men qaýipsizdigin baqylaý departamentinen.

Turǵyndar karantın talabyn buzbaýy úshin kireberis ýaqytsha buǵattalǵan. Polıtsııa qyzmetkerleri men medıtsına mamandary únemi kezekshilik etedi.

«Kireberistiń ishinde qaldyqtardy jınaýǵa arnalǵan plastık konteıner qaqpaqpen jabylǵan. Qoqys kúnine eki ret shyǵarylady. Azyq-túlik saǵat 10.00-de jáne 17.00 «Aıan« sýpermarketinen ótinim boıynsha jetkiziledi. Kýrermen tikeleı baılanys bolmaıdy, tapsyrystardy polıtsııa qyzmetkerleri beredi», - dep túsindirdi qala ákimdigi.

14 kúndik karantın aıaqtalǵannan keıin turǵyndar qalypty kúndelikti rejımge orala alady.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT