Qaraǵandyda kópbalaly otbasylardy qoldaý ortalyǵy ashyldy

QARAǴANDY. QazAqparat – Qaraǵandyda «Januıa» kópbalaly otbasylardy qoldaý ortalyǵy óz jumysyn bastady.

Uqsas jańalyqtar

2020 jyly 1,8 myń otbasy jumys kúshine zárý óńirlerge qonys aýdardy

Qaraǵandyda alıment tóleýden jaltarǵan azamattyń avtokóligi tárkilendi Qaraǵandyda kóp qabatty úıdiń turǵyndary gazdan ýlanyp qaldy

Munda jumysqa ornalasý, áleýmettik kómek kórsetý, turǵyn úı baǵdarlamalary jáne basqa da máseleler boıynsha keńes alýǵa bolady, dep habarlaıdy QazAqparat.

Ortalyq Qaraǵandy qalasynyń jumyspen qamtý jáne áleýmettik baǵdarlamalar bóliminiń qoldaýymen «Otbasy mektebi» qoǵamdyq qorynyń bastamasymen ashyldy.

Munda kópbalaly otbasy músheleri bilikti psıhologtardyń, zańgerler men áleýmettanýshylardyń kómegin ala alady. Ortalyqqa densaýlyq saqtaý, bilim berý, jumysqa ornalastyrý, kásipkerlik, áleýmettik kómek kórsetý jáne turǵyn úı baǵdarlamalary máseleleri boıynsha júginýge bolady.

Keńes aldyn ala jazylý boıynsha júrgiziledi - bul jumys formaty karantın sharttarymen túsindiriledi. Ortalyqta aıyna bir ret ataýly áleýmettik kómek usynýdan bastap kópbalaly otbasynda ózara qarym - qatynas qurýdyń psıhologııalyq tásilderine deıin túrli taqyryptarǵa semınarlar ótkizýdi josparlap otyr.

Birinshi semınar ortalyqtyń saltanatty ashylýynan keıin ótti. «Turǵyn úı qurylys jınaq bankiniń» mamandary «Baqytty otbasy» memlekettik baǵdarlamasy boıynsha ıpotekany qalaı alý kerektigin aıtty. Semınar barlyq sanıtarlyq talaptardy saqtaı otyryp ótti.

Ortalyqtyń ashylý saltanatyna Qaraǵandy qalasy ákiminiń orynbasary Nurlan Bıkenov, jumyspen qamtý jáne áleýmettik baǵdarlamalar bóliminiń basshylyǵy, «Otbasy mektebi» qorynyń ókilderi jáne kópbalaly analar qatysty.

«Januıa» ortalyǵy kelesi meken-jaı boıynsha ornalasqan: Álıhanov kóshesi, 5, 411 kabınet. Anyqtama telefony: 8-708-425-19-39.