+7 (701) 759 90 19
USD 418.67 EUR 507.64
RUB 5.71 CNY 64.74
Jańalyqtar

Qaraǵandyda qoljetimdi turǵyn úı qurylysy boıynsha jańa joba júzege asyrylýda

2020 jylǵy 19 qarasha 14:40
Bólisińiz:
Qaraǵandyda qoljetimdi turǵyn úı qurylysy boıynsha jańa joba júzege asyrylýda

NUR-SULTAN. QazAqparat - Qaraǵandyda Ońtústik-Shyǵystaǵy turǵyn úılerdiń qurylysy damı túsedi. Kelesi jyly 30-shaǵyn aýdanda jańa kópqabatty úılerdiń qurylysyn bastaý josparlanýda. Turǵyn úı kezekte turǵandar men «Turǵyn úı qurylys jınaq bankiniń» salymshylaryna arnalǵan. Bul jobany iske asyrý shamamen 1 100 otbasyn páterlermen qamtamasyz etýge múmkindik beredi, dep habarlaıdy oblystyq ákimdiktiń baspasóz qyzmeti.

Uqsas jańalyqtar
Qostanaı oblysynda kópbalaly otbasylarǵa 72 páter beriledi – ákimdik Qaraǵandy oblysynyń Doskeı aýylynda 39 otbasy baspanaly boldy Bıyl Atyraýda 648 otbasy jańa páter alady

Jańa jobany júzege asyrý boıynsha úshjaqty memorandýmǵa oblys ákimdiginde ótken kezdesýde qol qoıyldy. Kelisim jergilikti bıliktiń, «Turǵyn úı qurylys jınaq bankiniń» jáne qurylys salýshy kompanııanyń ózara mindettemelerin qarastyrady.

- Bul qaraǵandylyqtar úshin óte mańyzdy joba. Ony iske asyrý oblys ortalyǵynyń turǵyndary úshin turǵyn úı máselesin sheshýdi jedeldetýge múmkindik beredi. Biz ózimizge mindettemeler alamyz jáne olardy oryndaımyz. Ol mindettemelerge jer telimin berý jáne ınfraqurylym júrgizý jatady, - dep atap ótti oblys basshysy Jeńis Qasymbek.

Qaraǵandy ákimi Ermaǵanbet Bólekpaev 30-shy shaǵyn aýdandaǵy jańa turǵyn úı qurylysynyń aýdany shamamen 6 ga quraıtynyn habarlady. Qurylys jobasy «KKK Beton» JShS-men pysyqtaldy.

Jańa turǵyn úı kesheniniń qurylysy úsh kezeńge josparlanyp otyr.

- Bul jobany iske asyrý bizdiń kombınattyń ónimdiligin arttyrýǵa, kóp oryn qurýǵa múmkindik beredi. Shyn máninde, bul Qaraǵandyda turǵyn úı salýdyń jaqsy bes jyldyq jospary. Jalpy alǵanda 100 myń sharshy metrden asady. 1100-ge jýyq otbasy páter ala alady, - dep túsindirdi «KKK Beton» JShS dırektory Aleksandr Kıký.

Onyń aıtýynsha, jer telimi bólingennen keıin birden jobalaý bastalady. Qurylysty kelesi jyldyń sáýir aıynda bastaý josparlanýda. Belgili bolǵandaı, paneldik qurylys monolıttige qaraǵanda eki ese tezirek júrgiziledi. Osy tehnologııa boıynsha kópqabatty úıler 4-5 aıda salynady.

Memorandýmǵa sáıkes, «Turǵyn úı qurylys jınaq banki» salymshylarynyń páterleri bir sharshy metrine 220 myń teńgeden aspaıtyn baǵamen satylatyn bolady.

- Qaraǵandy oblysynda bul shema 2018 jyly sátti synaqtan ótti. Salymshylardyń qurylys kezeńinde emes, daıyn turǵyn úıdi satyp alýynyń artyqshylyǵy bar, - dep atap ótti «Qazaqstannyń turǵyn úı qurylys jınaq banki» AQ oblystyq fılıalynyń dırektory Baýyrjan Jýaspaev.

Oblysta «Baqytty Otbasy» baǵdarlamasy boıynsha qoljetimdi turǵyn úımen qamtamasyz etý ósýde. 2019 jyly 206 qaryz berildi, al bıyl - 306.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT